ରାଜ୍ୟ ତୀରନ୍ଦାଜି: ୬ ପଦକ ସହ କିସ୍ର ଆଧିପତ୍ୟ
କଟକ: ବାରବାଟୀ ଷ୍ଟାଡିୟମ୍ରେ ଚାଲିଥିବା ୨୨ତମ ରାଜ୍ୟ ତୀରନ୍ଦାଜି ପ୍ରତିଯୋଗିତାର ଦ୍ବିତୀୟ ଦିନରେ କିସ୍ ପ୍ରାଧାନ୍ୟ ବିସ୍ତାର କରି ୬ଟି ପଦକ ଅର୍ଜନ କରିଛି। କିସ୍ ପ୍ରତିଯୋଗୀମାନେ ଦୁଇଟି ସ୍ବର୍ଣ୍ଣ, ୧ ରୌପ୍ୟ ଓ ୩ କା˚ସ୍ୟ ପଦକ ହାସଲ କରିଛନ୍ତି। ଅନ୍ୟ ସଫଳ ଦଳ ଭାବେ ସାଇ ହାଲ କୋରାପୁଟ ୩ ସ୍ବର୍ଣ୍ଣ ପଦକ ସହ ମୋଟ ୪ ପଦକ ଏବ˚ ସାଇ ସୁନ୍ଦରଗଡ଼ ତିନି ସ୍ବର୍ଣ୍ଣ ପଦକ ପାଇଛି। ମାଲକାନଗିରି କ୍ରୀଡ଼ା ଛାତ୍ରାବାସ, ବଲାଙ୍ଗୀର, କଳାହାଣ୍ତୀ, କେନ୍ଦୁଝର, ଫୁଲବାଣୀ, କଟକ ଓ ବୌଦ୍ଧ ଜିଲ୍ଲାର ତୀରନ୍ଦାଜମାନେ ମଧ୍ୟ ପଦକ ଜିତିବାରେ ସଫଳ ହୋଇଛନ୍ତି। ଅପରାହ୍ନରେ ଆୟୋଜିତ ପୁରସ୍କାର ବିତରଣ ସମାରୋହରେ କୃତି ପ୍ରତିଯୋଗୀଙ୍କୁ ମାନପତ୍ର ଓ ଅର୍ଥରାଶି ପ୍ରଦାନ କରାଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ପ୍ରତିଯୋଗିତାର ମିନି ବିଭାଗର ଇଣ୍ତିଆନ ରାଉଣ୍ତ ବାଳକରେ ସୁନୀଲ ହୋ ପ୍ରଥମ ଓ ସାଗର ରଇତ ଦ୍ବିତୀୟ ହୋଇଛନ୍ତି। ବାଳିକାରେ ମନଶ୍ବରୀ ହାସଦକ ପ୍ରଥମ, ଉଜ୍ଜୟିନୀ କେଶରୀ ଦ୍ବିତୀୟ ଓ ଟେନିସା ମେହେର ତୃତୀୟ ସ୍ଥାନ ଅଧିକାର କରିଛନ୍ତି। ରିକର୍ଭ ରାଉଣ୍ତ ବାଳକରେ ବିଜୟ ମାଢି ପ୍ରଥମ, ଦୀନବନ୍ଧୁ ମାଢୀ ଦ୍ବିତୀୟ, କଇନା ପାଟମାଝି ତୃତୀୟ ହୋଇଛନ୍ତି। ବାଳିକାରେ ପ୍ରଜ୍ଞା ଦଳାଇ ପ୍ରଥମ, ସୁହାସିନୀ ସାମଲ ଦ୍ବିତୀୟ, ବାଳକ କମ୍ପାଉଣ୍ତରେ ସିଦ୍ଧାନ୍ତ କୁମାର ଖରା ପ୍ରଥମ ସ୍ଥାନରେ ରହିଛନ୍ତି। କନିଷ୍ଠ ବିଭାଗର ଇଣ୍ତିଆ ରାଉଣ୍ତ ବାଳକରେ ନିଥନିୟାଲ ମଲ୍ଲିକ ପ୍ରଥମ, ତ୍ରିନାଥ ମୁଣ୍ତା ଦ୍ବିତୀୟ, ରାମେଶ୍ବର ହନ୍ତାଳ ତୃତୀୟ, ବାଳିକାରେ ଲଳିତା ଖଣ୍ତପାତ୍ର ପ୍ରଥମ, ଜୟଲକ୍ଷ୍ମୀ ମଲ୍ଲିକ ଦ୍ବିତୀୟ, ନିହାରିକା ପୂର୍ତ୍ତି ତୃତୀୟ ହୋଇଛନ୍ତି। ରିକର୍ଭ ରାଉଣ୍ତ ବାଳକରେ ରଘୁନାଥ ଖୋସଲା ପ୍ରଥମ, ପୂର୍ଣ୍ଣଚନ୍ଦ୍ର ମାଝୀ ଦ୍ବିତୀୟ, ସୋମନାଥ ହେମ୍ବ୍ରମ ତୃତୀୟ ହୋଇଥିଲା ବେଳେ ବାଳିକାରେ ମମତା ଓରା ପ୍ରଥମ ହୋଇଛନ୍ତି। କମ୍ପାଉଣ୍ତ ରାଉଣ୍ତ ବାଳକରେ ଭାସ୍କର ଖିଲୋ, ରାହୁଲ ମାଡକାମୀ ଓ ଦିବ୍ୟର˚ଜନ ମୁଣ୍ତା ଯଥାକ୍ରମେ ପ୍ରଥମ, ଦ୍ବିତୀୟ ଓ ତୃତୀୟ ହୋଇଛନ୍ତି। ବାଳିକାରେ ପ୍ରୀତି ଓରାମ ପ୍ରଥମ ସ୍ଥାନ ଅଧିକାର କରିଛନ୍ତି।