ରାଜ୍ୟ ବାସ୍କେଟବଲ୍: ସେଲ୍ଟିକ୍ସର ବୃହତ୍ ବିଜୟ
କଟକ: ଜବାହାରଲାଲ ନେହେରୁ ଇଣ୍ତାର ଷ୍ଟାଡିୟମରେ ଚାଲିଥିବା ରାଜ୍ୟ ବାସ୍କେଟବଲ ପ୍ରତିଯୋଗିତାର ଦ୍ବିତୀୟ ଦିନରେ ସେଲ୍ଟିକ୍ସ ବୃହତ୍ ବ୍ୟବଧାନରେ ବିଜୟୀ ହୋଇଛି। ଲିଗ ପର୍ଯ୍ୟାୟରେ ସେଲ୍ଟିକ୍ସ ୪୨-୮ରେ ବାଲେଶ୍ବରକୁ ପରାସ୍ତ କରିଥିଲା। ଅନ୍ୟ ମ୍ୟାଚ୍ଗୁଡ଼ିକ ମଧ୍ୟରେ ଗଞ୍ଜାମ ୫୮-୨୩ରେ ପୁରୀକୁ, ରାୟଗଡ଼ା ୩୦-୨୮ରେ ବିବିଏକୁ, ସିଡିଏଏ ୪୨-୨୪ରେ ଏଣ୍ଟରଟେନରକୁ ଓ ଓଡ଼ିଶା ପୁଲିସ୍ ୫୪-୩୧ରେ କିଟ୍କୁ ହରାଇଛନ୍ତି। ସେହିପରି ମହିଳା ବିଭାଗରେ ରୋଭର୍ସ ୨୮-୧୧ରେ ଏସ୍ସିଏସ୍ସିକୁ ଓ ବବିଏ ୪୬-୧୨ରେ କେନ୍ଦୁଝରକୁ ପରାସ୍ତ କରିଛନ୍ତି।