ନରସି˚ହପୁର: କାନପୁର ଆଞ୍ଚଳିକ ଦୌଡ଼କୁଦ ସ˚ଘ ଆନୁକୂଲ୍ୟରେ ଆୟୋଜିତ ରାଜ୍ୟସ୍ତରୀୟ ଫୁଟ୍‌ବଲ ପ୍ରତିଯୋଗିତାରେ ଚିଲିକାର କାଳିଜାଇ ସ୍ପୋର୍ଟିଂ କ୍ଲବ୍‌ ବିଜେତା ହୋଇଛି। ବୁଧବାର ଫାଇନାଲ ମ୍ୟାଚ୍‌ରେ ଏହି ଦଳ ୩-୦ ଗୋଲ୍‌ରେ ଜଟଣୀର ମା’ ବାଉତୀ ଗୋଲ୍‌ଡେନ କ୍ଲବ୍‌କୁ ପରାସ୍ତ କରିଥିଲା। ସବୁ ଗୋଲ ଦ୍ବିତୀୟାର୍ଧରେ ସ୍କୋର ହୋଇଥିଲା। ମ୍ୟାଚକୁ ଅବିନାଶ ପଟ୍ଟନାୟକ, ଶ୍ରୀକାନ୍ତ ପ୍ରଧାନ, ରଜାକ ଖାନ ଓ ନେତ୍ରାନନ୍ଦ ମଲ୍ଲିକ ପରିଚାଳନା କରିଥିଲେ। ବିଜେତାଙ୍କୁ ୨୦ ହଜାର ଓ ଉପ ବିଜେତାଙ୍କୁ ୧୦ ହଜାର ଟଙ୍କା ପୁରସ୍କାର ଦିଆଯାଇଥିଲା। ଏହି ଅବସରରେ ଶ୍ରେଷ୍ଠ ଖେଳାଳି ଭାବେ ହାନିସ ନାୟକ ଓ ଅନ୍ତର୍ଯ୍ୟାମୀ ନାୟକକୁ ପୁରସ୍କାର ଦିଆଯାଇଥିଲା। ଉଦ୍‌ଯାପନୀ ଉତ୍ସବରେ ମୁଖ୍ୟ ଅତିଥି ରୂପେ ସ୍ବାସ୍ଥ୍ୟ ମନ୍ତ୍ରୀ ପ୍ରତାପ ଜେନା, ବିଶିଷ୍ଟ ଅତିଥି ରୂପେ ବିଧାୟକ ତଥା ପୂର୍ବତନ ମନ୍ତ୍ରୀ ଦେବୀ ପ୍ରସାଦ ମିଶ୍ର, ବ୍ଲକ ଅଧ୍ୟକ୍ଷ କିଶୋର ଚନ୍ଦ୍ର ମିଶ୍ର, ସ˚ଘର ସଭାପତି ସଞ୍ଜୟ କୁମାର ପଣ୍ତା, ଉପ ସଭାପତି କୃପାସିନ୍ଧୁ ଦାସ ଯୋଗଦେଇ ପୁରସ୍କାର ବିତରଣ କରିଥିଲେ। କାର୍ଯ୍ୟକ୍ରମରେ ସହଯୋଗ କରୁଥିବା ସୁଜ୍ଞାନ ବସ୍ତିଆ ଓ ଯୁଗ୍ମ ସମ୍ପାଦକ ସନାତନ ପ୍ରଧାନଙ୍କୁ ସମ୍ବର୍ଦ୍ଧିତ କରାଯାଇଥିଲା। ସ˚ଘର ସମ୍ପାଦକ ସତୀଶ ଚନ୍ଦ୍ର ସାହୁ, ଯୁଗ୍ମ ସମ୍ପାଦକ ସନାତନ ପ୍ରଧାନ, ସୁଜ୍ଞାନୀ ବସ୍ତିଆ, ପ୍ରଶାନ୍ତ କୁମାର ଜେନା, କାଳନ୍ଦୀ ଖୁଣ୍ଟିଆ, ସମୀର ବେହେରା, ବିଜୟ ପଣ୍ତା, ଅଶିଷ ପ୍ରଧାନ ଖେଳ ପରିଚାଳନାରେ ସହଯୋଗ କରିଥିଲେ।