ଜାତୀୟ କ୍ରୀଡ଼ା ପାଇଁ ରାଜ୍ୟ ସନ୍ତରଣ ଦଳ ଚୟନ ୬ରେ
ସମ୍ବଲପୁର: ଗୁଜୁରାଟ ଜାତୀୟ କ୍ରୀଡ଼ା ପାଇଁ ଓଡ଼ିଶା ସନ୍ତରଣ ଦଳ ନିମନ୍ତେ ଖେଳାଳି ଚୟନ ଅଗଷ୍ଟ ୬ ତାରିଖ ଦିନ ଭୁବନେଶ୍ବର କଳିଙ୍ଗ ଷ୍ଟାଡିୟମ୍ସ୍ଥିତ ବିଜୁ ପଟ୍ଟନାୟକ ସନ୍ତରଣାଗାରରେ କରାଯିବ। ରାଜକୋଟରେ ସେପ୍ଟେମ୍ବର ୨୭ରୁ ଅେକ୍ଟାବର ୧୦ ତାରିଖ ପର୍ଯ୍ୟନ୍ତ ହେବାକୁ ଥିବା ଜାତୀୟ କ୍ରୀଡ଼ାରେ ଓଡ଼ିଶାରୁ ୪ ଜଣ ଲେଖାଏଁ ପୁରୁଷ ଓ ମହିଳା ସନ୍ତରଣକାରୀ ଭାଗ ନେବେ। ସମୟ ପରୀକ୍ଷା (ଟାଇମ୍ ଟ୍ରାଏଲ୍) ଭିତ୍ତିରେ ଖେଳାଳି ଚୟନ କରାଯିବ। ଏଥିରେ ଭାଗ ନେବାକୁ ଆଗ୍ରହୀ ସନ୍ତରଣକାରୀ ଅନୁବନ୍ଧିତ ଜିଲ୍ଲା ଶାଖା ବା ଜିଲ୍ଲା କ୍ରୀଡ଼ା ସଂଘ ସଂପାଦକଙ୍କୁ ଯୋଗାଯୋଗ କରି ୬ ତାରିଖ ସକାଳ ୮ଟାରେ ବିଜୁ ପଟ୍ଟନାୟକ ସନ୍ତରଣାଗାରରେ ରିପୋର୍ଟ କରିବାକୁ ଓଡ଼ିଶା ରାଜ୍ୟ ସନ୍ତରଣ ସଂଘ ତରଫରୁ ଏକ ପ୍ରେସ୍ ବିବୃତିରେ କୁହାଯାଇଛି। ପ୍ରତିଯୋଗୀମାନେ ନିଜ ସହ ଏସ୍ଏଫ୍ଆଇର ୟୁଆଇଡି କାର୍ଡ, ଆଧାର ଓ ଜନ୍ମ ପ୍ରମାଣପତ୍ରର ନକଲ ନେଇ କି ଆସିବା ପାଇଁ ରାଜ୍ୟ ସଂଘ ସାଧାରଣ ସଂପାଦକ ଗୋଲାପମଣି ମହାନ୍ତ ଜଣାଇଛନ୍ତି। ଅଧିକ ବିବରଣୀ ପାଇଁ ଯୁଗ୍ମସଂପାଦକ ଲକ୍ଷ୍ମୀଚନ୍ଦ୍ର ମହାକୁଡ଼ଙ୍କୁ ଯୋଗାଯୋଗ କରିବାକୁ ଅନୁରୋଧ କରାଯାଇଛି।
