କଟକ : ଓଡ଼ିଶା ରାଜ୍ୟ ଟେବୁଲ ଟେନିସ୍ (ଟିଟି) ସ˚ଘ ଆନୁକୂଲ୍ୟରେ ଜବାହରଲାଲ ନେହରୁ ଇନ୍ଡୋର ଷ୍ଟାଡିୟମରେ ୨୬ତମ ରାଜ୍ୟ ଟିଟି ପ୍ରତିଯୋଗିତା ଆରମ୍ଭ ହୋଇଛି। ରାଜ୍ୟ ସ˚ଘ ସମ୍ପାଦକ ରବୀନ୍ଦ୍ର କୁମାର ପରିଡ଼ା, ଉପସଭାପତି ଚିତ୍ତର˚ଜନ ମହାନ୍ତି, କୋଷାଧ୍ୟକ୍ଷ ଚୌଧୁରୀ ନିହାର ର˚ଜନ ମିଶ୍ର ଅତିଥି ଭାବେ ଯୋଗଦେଇ ପ୍ରତିଯୋଗିତାକୁ ଉଦ୍ଘାଟନ କରିଥିଲେ। ପ୍ରତିଯୋଗିତାରେ ପାଖାପାଖି ୨୦୦ ପ୍ରତିଯୋଗୀ ଅ˚ଶଗ୍ରହଣ କରିଛନ୍ତି। ମୁଖ୍ୟ ରେଫରି ସୁଜିତ ରାୟ, ଜୀବନ ବଲ୍ଲଭ ସାମଲ, ବିଜନ ଦାସ ମହାପାତ୍ର, କେଏସ୍ଏନ୍ ମୂର୍ତ୍ତି, କଲ୍ଲୋଳ ଗାଙ୍ଗୁଲି ମ୍ୟାଚ୍ଗୁଡ଼ିକ ପରିଚାଳନା କରୁଛନ୍ତି।
Sambad is now on WhatsApp
Join and get latest news updates delivered to you via WhatsApp
ରବିବାର ପ୍ରଥମ ଦିନରେ ମହିଳା ଏକକରେ ମୟୂରୀ ଚାଟାର୍ଜୀ ଓ ବର୍ଷା ପଣ୍ତା ସେମିଫାଇନାଲ୍କୁ ଉନ୍ନୀତ ହୋଇଛନ୍ତି। କ୍ବାର୍ଟର ଫାଇନାଲ୍ରେ ଦୁହେଁ ଯଥାକ୍ରମେ ପାୟଲ ପାଣି ଓ ସାକ୍ଷୀ ଅଗ୍ରଵାଲଙ୍କୁ ପରାସ୍ତ କରିଥିଲେ। ଏମାନଙ୍କ ବ୍ୟତୀତ ଅଞ୍ଜଳି ଅଗ୍ରଵାଲ, ସ୍ବୀକୃତି ଭଗତ, ଗାୟତ୍ରୀ ମିତ୍ର, ବୈଶାଖୀ ବଳ, ୟୋସିତା ଜାମୁଲା, ଶ୍ବେତପଦ୍ମା ଦଳାଇ କ୍ବାର୍ଟର ଫାଇନାଲ୍ରେ ପ୍ରବେଶ କରିଛନ୍ତି। ଯୁବ ବାଳକ ଏକକରେ ତୁହିନ ବାରିକ, ସୌମ୍ୟର˚ଜନ ପତି, ମୋହିତ ବେହୁରାୟ ସେମିଫାଇନାଲ୍ରେ ପ୍ରବେଶ କରିଛନ୍ତି। କ୍ୟାଡେଟ ବାଳକରେ ପ୍ରତ୍ୟୁଷ, ଜିଜ୍ଞାସୁ ସାହୁ ଓ ଜୟସ୍ତୁ କ୍ବାର୍ଟର ଫାଇନାଲ୍ରେ ବିଜୟୀ ହୋଇ ସେମିଫାଇନାଲ୍ରେ ସ୍ଥାନ ପକ୍କା କରିଛନ୍ତି। କ୍ୟାଡେଟ ବାଳିକାରେ ସାଦିକା ସୋଦାଭରମ ଓ ଊର୍ଜା ବର୍ମା ସେମିଫାଇନାଲ୍ରେ ପହଞ୍ଚିଛନ୍ତି।