କଟକ: ଟ୍ରିପଲ ସି’ ଚେସ୍ କ୍ଲବ୍ ଓ ମାଷ୍ଟର ଚେସ୍ ଫାଉଣ୍ଡେସନ୍ର ମିଳିତ ଆନୁକୂଲ୍ୟରେ ଶୈଳବାଳା ମହିଳା ମହାବିଦ୍ୟାଳୟରେ ଆୟୋଜିତ ରାଜ୍ୟ ୧୦ ବର୍ଷରୁ କମ୍ ଓପନ୍ ଓ ବାଳିକା ଚେସ୍ ପ୍ରତିଯୋଗିତା ସୋମବାର ଉଦ୍ଯାପିତ ହୋଇଛି। ଓପନ୍ରେ ଖୋର୍ଦ୍ଧାର ଶିୟମ ସତ୍ୟା˚ଶ ପୂର୍ଣ୍ଣ ୬ ପଏଣ୍ଟ୍ ପାଇ ବିଜେତା ହୋଇଥିଲା ବେଳେ ବାଳିକାରେ କଟକର ଜ୍ୟୋତିକା ସାହୁ ସାଢ଼େ ୫ ପଏଣ୍ଟ୍ ପାଇ ଶୀର୍ଷରେ ରହିଥିଲେ।
Sambad is now on WhatsApp
Join and get latest news updates delivered to you via WhatsApp
ଓପନ୍ ବିଭାଗର ଷଷ୍ଠ ରାଉଣ୍ଡରେ ଶିୟମ ସୁନ୍ଦରଗଡ଼ର ଦେବପ୍ରିୟ ବିଶ୍ବାଳଙ୍କୁ ହରାଇଥିଲା ବେଳେ ବାଳିକାରେ ଜ୍ୟୋତିକା ଓ ହର୍ଷିତା ସି˚ହଙ୍କ ମଧ୍ୟରେ ଖେଳାଯାଇଥିବା ମ୍ୟାଚ୍ ଅମୀମା˚ସିତ ରହିଥିଲା। ଏମାନଙ୍କ ବ୍ୟତୀତ ଓପନ୍ରେ ଆର୍ଯ୍ୟନ ବେହେରା, ପ୍ରତୀକ କୁଶଲ ରାଉତ, ସ୍ବସ୍ତିକ ଶୁଭମ ପଟ୍ଟନାୟକ, ଦେବପ୍ରିୟ ବିଶ୍ବାଳ, ବିହାନ ରେଡ୍ଡୀ, ମନିଷ ମିଶ୍ର, ଅର୍କ ମିଶ୍ର ୫ ପଏଣ୍ଟ୍ ଲେଖାଏଁ ପାଇଥିଲା ବେଳେ ବାଳିକାରେ ରିତିକା ଜେନା ଓ ଇଶାନି ଦାସ ୫ପଏଣ୍ଟ, ହର୍ଷିତା ସି˚ହ, ସମିନା ସ୍ବାଇଁ ସାଢେ ୪ ପଏଣ୍ଟ ପାଇଛନ୍ତି। ଆନ୍ତର୍ଜାତିକ ଆର୍ବିଟର ସୁରେଶ ଚନ୍ଦ୍ର ସାହୁ ଓ ଫିଡେ ଆର୍ବିଟର ସନ୍ତୋଷ କୁମାର ମହାପାତ୍ର ପ୍ରତିଯୋଗିତା ପରିଚାଳନା କରିଥିଲେ। ଉଦ୍ଯାପନୀ କାର୍ଯ୍ୟକ୍ରମରେ ଶୈଳବାଳା ମହିଳା ମହାବିଦ୍ୟାଳୟର ଅଧ୍ୟକ୍ଷା ଡକ୍ଟର ସୁଲେଖା ସୁନ୍ଦରୀ ସ୍ବାଇଁ ମୁଖ୍ୟ ଅତିଥି, ଏଆଇସିଏଫ୍ ଯୁଗ୍ମ ସମ୍ପାଦକ ର˚ଜନ କୁମାର ମହାନ୍ତି, ଓଡ଼ିଶା ଚେସ୍ ସ˚ଘ ସମ୍ପାଦକ ଦେବବ୍ରତ ଭଟ୍ଟ, ଏସ୍ଆର୍ ଚେସ୍ କେନ୍ଦ୍ରର ନିର୍ଦ୍ଦେଶକ ସତ୍ୟର˚ଜନ ପଟ୍ଟନାୟକ ପ୍ରମୁଖ ଅତିଥି ଭାବେ ଯୋଗଦେଇ ପୁରସ୍କାର ବିତରଣ କରିଥିଲେ। ଅନ୍ୟମାନଙ୍କ ମଧ୍ୟରେ ଟ୍ରିପଲ ସି’ ଚେସ୍ କ୍ଲବ୍ ଓ ମାଷ୍ଟର ଚେସ୍ ଫାଉଣ୍ଡେସନ୍ର ବିରଞ୍ଚି ନାରାୟଣ ସାହୁ, ବିଶ୍ବଜିତ ରାଏ, କମଳାକାନ୍ତ ବିଶୋୟୀ, ବିକ୍ରମ କେଶରୀ ବିଶ୍ବାଳ ପ୍ରମୁଖ ପ୍ରତିଯୋଗିତା ପରିଚାଳନାରେ ସହଯୋଗ କରିଥିଲେ।