ରାଜ୍ୟ ଭଲିବଲ୍ ଆରମ୍ଭ, କଟକ, କିଟ୍କୁ ଯୁଗଳ ବିଜୟ
ଭୁବନେଶ୍ବର: ପାରାଦୀପ ପୋର୍ଟ ଗୋପବଂଧୁ ଷ୍ଟାଡିୟମ୍ରେ ଶନିବାରଠାରୁ ୬୮ତମ ରାଜ୍ୟ ଅନ୍ତଃଜିଲ୍ଲା ବରିଷ୍ଠ ଭଲିବଲ୍ ପ୍ରତିଯୋଗିତା ଆରମ୍ଭ ହୋଇଛି। ପ୍ରଥମ ଦିନ ଉଭୟ ପୁରୁଷ ଓ ମହିଳା ବର୍ଗରେ ବିଜୟୀ ହୋଇ କଟକ ଏବଂ କିଟ୍ ଦଳ ଯୁଗଳ ସଫଳତାରୁ ଅଭିଯାନ ଆରମ୍ଭ କରିଛନ୍ତି। ପୁରୁଷରେ କଟକ ୨-୦ ସେଟ୍ରେ ଦେବଗଡ଼କୁ ଏବଂ କିଟ୍ କେନ୍ଦ୍ରାପଡ଼ାକୁ ସମାନ ୨-୦ରେ ପରାସ୍ତ କରିଥିଲା। ମହିଳାରେ କଟକ ୨-୦ରେ ଗଞ୍ଜାମକୁ ଏବଂ କିଟ୍ ୨-୦ରେ ସେହି କେନ୍ଦ୍ରାପଡ଼ାକୁ ସମାନ ବ୍ୟବଧାନରେ ହରାଇଥିଲା। ପୁରୁଷ ବର୍ଗରେ ଅନ୍ୟ ମ୍ୟାଚ୍ଗୁଡିକରେ ଭଦ୍ରକ ୨-୦ରେ ସୁନ୍ଦରଗଡ଼କୁ, ଭୁବନେଶ୍ବର ୨-୦ରେ ପାରାଦୀପକୁ, ମୟୂରଭଞ୍ଜ ୨-୦ରେ ନୟାଗଡ଼କୁ, ଅନୁଗୁଳ ୨-୧ରେ ଯାଜପୁରକୁ, ପୂର୍ବତଟ ରେଳବାଇ ୨-୧ରେ କେନ୍ଦୁଝରକୁ, ଜଗତସିଂହପୁର ୨-୦ରେ କନ୍ଧମାଳକୁ, ବରଗଡ଼ ୨-୦ରେ ଦେବଗଡ଼କୁ, ପୁରୀ ୨-୦ରେ କଳାହାଣ୍ଡିକୁ, ଝାରସୁଗୁଡ଼ା ୨-୦ରେ ରାଉରକେଲାକୁ ପରାସ୍ତ କରିଛନ୍ତି। ମହିଳା ବିଭାଗରେ ରାଉରକେଲା ଷ୍ଟିଲ୍ ପ୍ଲାଣ୍ଟ୍ ୨-୦ରେ ଜଗତସିଂହପୁରକୁ ପରାସ୍ତ କରିଛି।
Sambad is now on WhatsApp
Join and get latest news updates delivered to you via WhatsApp
୪ ଦିନିଆ ଏହି ପ୍ରତିଯୋଗିତାରେ ୩୨ ଜିଲ୍ଲା ଓ ୟୁନିଟ୍ରୁ ୧୧୦୦ ପାଖାପାଖି ପୁରୁଷ ଓ ମହିଳା ଖେଳାଳି ଭାଗ ନେଇଛନ୍ତି। ପିପିଟିର ଅଧ୍ୟକ୍ଷ ରିଙ୍କେଶ ରୟ, ପାରାଦୀପ ଲେଡିଜ୍ କ୍ଲବ୍ର ସଭାନେତ୍ରୀ ଶୁଭଲକ୍ଷ୍ମୀ ରୟ, ଓଡ଼ିଶା ଭଲିବଲ୍ ସଂଘ ସଭାପତି ଇଂ ସୁବୋଧ କୁମାର ରାଉତରାୟ, ସମ୍ପାଦକ ଡକ୍ଟର ଗଗନେନ୍ଦୁ ଦାଶ ପ୍ରମୁଖ ଉଦ୍ଘାଟନ କରିଥିଲେ।