ଆଇପିଏଲ୍-୧୩ : ଦିଲ୍ଲୀ କ୍ୟାପିଟାଲସକୁ ୧୫ ରନ୍ରେ ପରାସ୍ତ କଲା ସନ୍ରାଇଜର୍ସ ହାଇଦ୍ରାବାଦ
ଆବୁଧାବି: ଆବୁଧାବିର ଶେଖ ଜାୟେଦ ଷ୍ଟାଡିୟମଠାରେ ଖେଳାଯାଉଥିବା ଆଇପିଏଲ ଲିଗ୍ର ୧୧ ତମ ମ୍ୟାଚରେ ଦିଲ୍ଲୀ କ୍ୟାପିଟାଲସକୁ ୧୫ ରନ୍ରେ ପରାସ୍ତ କରିଛି ସନ୍ରାଇଜର୍ସ ହାଇଦ୍ରାବାଦ । ଦିଲ୍ଲୀ କ୍ୟାପିଟାଲସ ୧୬୩ ରନ୍ର ଲକ୍ଷ୍ୟକୁ ପିଛା କରି ୨୦ ଓଭରରେ ୭ ୱିକେଟ ହରାଇ ୧୪୭ ରନ୍ କରି ମ୍ୟାଚ ହାରଯାଇଛି ।
Sambad is now on WhatsApp
Join and get latest news updates delivered to you via WhatsApp
ଦିଲ୍ଲୀ ପକ୍ଷରୁ ଶିଖର ଧାୱନ ୩୧ ବଲରେ ୩୪ ରନ୍ କରିଥିବା ବେଳେ ରିଷଭ ପନ୍ତ ୨୭ ବଲରେ ୨୮ ରନ୍ ଓ ଶିମରନ୍ ହେଟମାୟର ୧୨ ବଲ ଖେଳି ୨୧ ରନ୍ କରିଥିଲେ । ହାଇଦ୍ରାବାଦ ପକ୍ଷରୁ ଭୁବନେଶ୍ୱର କୁମାର ୨ ୱିକେଟ, ରସିଦ ଖାନ ୪ ଓଭରରେ ମାତ୍ର ୧୪ ରନ୍ ଦେଇ ୩ ୱିକେଟ ନେଇଥିବା ବେଳେ ଟି. ନଟରାଜନ୍ ଓ ଖଲିଲ ଅହମ୍ମଦ ଗୋଟିଏ ଲେଖାଏଁ ୱିକେଟ ନେଇଛନ୍ତି । ଏହା ସହ ସନରାଇଜର୍ସ ହାଇଦ୍ରାବାଦ ଚଳିତ ସଂସ୍କରଣରେ ତାର ପ୍ରଥମ ବିଜୟ ହାସଲ କରିବା ସହ ୨ ପଏଣ୍ଟ୍ ସଂଗ୍ରହ କରିଛି ।
ପୂର୍ବରୁ ଦିଲ୍ଲୀ ଟସ ଜିଣି ହାଇଦ୍ରାବାଦକୁ ବ୍ୟାଟିଂ ପାଇଁ ଆମନ୍ତ୍ରଣ କରିବା ପରେ ଅଧିନାୟକ ଡେଭିଡ ଓ୍ଵାର୍ନର ଓ ଜନି ବେୟାରଷ୍ଟୋ ସତର୍କତାର ସହ ଖେଳି ଦଳକୁ ଏକ ମଜବୁତ ଆରମ୍ଭ ଦେଇଥିଲେ । ଓ୍ଵାର୍ନର ୪୫ ରନ କରି ଆଉଟ ହୋଇଥିବା ବେଳେ ବେୟାରଷ୍ଟୋ ୫୩ ରନ କରିଥିଲେ । ୩ୟ ସ୍ଥାନରେ ଆସିଥିବା ମନୀଷ ପାଣ୍ଡେ ମାତ୍ର ୩ ରନ କରି ଆଉଟ ହୋଇଥିଲେ । ତେବେ ରେନ ଓ୍ଵିଲିୟମସନ ଓ ବେୟାରଷ୍ଟୋ ଦୃଢ ବ୍ୟାଟିଂ ପ୍ରଦର୍ଶନ କରି ଦଳୀୟ ସ୍କୋରକୁ ଏକ ସମ୍ମାନଜନକ ସ୍ଥିତିକୁ ନେଇଥିଲେ । ବେୟାରଷ୍ଟୋ ୪୮ ବଲରେ ୫୩ ରନ କରିଥିଲେ । ହାଇଦ୍ରାବାଦ ଦଳ ନିର୍ଦ୍ଧାରିତ ୨୦ ଓଭରରେ ୪ ଓ୍ଵିକେଟ ହରାଇ ୧୬୨ ରନ କରିଥିଲା ।