ଆଇପିଏଲ : ରାଜସ୍ଥାନକୁ ୭ ୱିକେଟରେ ହରାଇଲା ହାଇଦ୍ରାବାଦ
ଦୁବାଇ : ଦୁବାଇ ଅନ୍ତର୍ଜାତୀୟ କ୍ରିକେଟ ଷ୍ଟାଡିୟମଠାରେ ଚାଲିଥିବା ଆଇପିଏଲ-୨୦୨୧ର ୪୦ତମ ମ୍ୟାଚରେ ରାଜସ୍ଥାନ ରୟାଲ୍ସକୁ ୭ ୱିକେଟରେ ପରାସ୍ତ କରିଛି ସନରାଇଜର୍ସ ହାଇଦ୍ରାବାଦ । ପ୍ରଥମ ପାଳିରେ ରାଜସ୍ଥାନ ୨୦ ଓଭରରେ ୫ ୱିକେଟ ହରାଇ ୧୬୪ ରନ୍ କରିଥିଲା । ଜବାବରେ ହାଇଦ୍ରାବାଦ ୧୮.୩ ଓଭରରେ ୩ ୱିକେଟ ହରାଇ ୧୬୭ ରନ୍ କରି ବିଜୟୀ ହୋଇଛି । ହାଇଦ୍ରାବାଦ ପକ୍ଷରୁ ଜାସନ୍ ରୟ ସର୍ବାଧିକ ୬୯ ରନ୍ କରିଥିବା ବେଳେ କ୍ୟାପଟେନ୍ କେନ୍ ୱିଲିୟମସନ୍ ୪୧ ବଲରେ ୫୧ ରନ୍ କରି ହାଇଦ୍ରାବାଦକୁ ବିଜୟ ଦେଇଥିଲେ । ଏହି ବିଜୟ ସହ ହାଇଦ୍ରାବାଦ ତାର ପରାଜୟ ଧାରାକୁ ଭାଙ୍ଗି ଚଳିତ ସିଜିନ୍ରେ ଦ୍ବିତୀୟ ବିଜୟ ହାସଲ କରିଛି । ଜସନ୍ ରୟଙ୍କୁ ମ୍ୟାନ ଅଫ୍ ଦି ମ୍ୟାଚ୍ ଘୋଷଣା କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଆଜି ରାଜସ୍ଥାନ ଦଳ ଟସ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା । ଦଳୀୟ ସ୍କୋର ମାତ୍ର ୧୧ ରନ ହୋଇଥିବାବେଳେ ଓପନ ଏଭିନ ଲୁଇସ ୬ ରନ କରି ଆଉଟ ହୋଇଥିଲେ । ତେବେ ଯଶସ୍ବୀ ଜୟସ୍ବାଲ ଓ ସଂଜୁ ସାମସନ ଲଢୁଆ ବ୍ୟାଟିଂ କରି ଦଳୀୟ ସ୍କୋରକୁ ଆଗେଇ ନେଇଥିଲେ । ଜୟସ୍ବାଲ ୩୬ କରିଥିବା ବେଳେ ସାମସନ ୮୨ ରନ କରିଥିଲେ । ମଧ୍ୟକ୍ରମ ବ୍ୟାଟ୍ସମ୍ୟାନ ମହୀପାଲ ଲାମରୋର ମହତ୍ତ୍ବପୂର୍ଣ୍ଣ ୨୯ ରନର ଯୋଗଦାନ ଦେଇଥିଲେ । ଫଳରେ ଦଳ ୨୦ ଓଭରରେ ୫ ଓ୍ବିକେଟ ହରାଇ ୧୬୪ ରନ କରିପାରିଥିଲା ।
ଚଳିତ ଆଇପିଏଲରେ ଅତ୍ୟନ୍ତ ନୈରାଶ୍ୟଜନକ ପ୍ରଦର୍ଶନ କରି ହାଇଦ୍ରାବାଦ ପ୍ଲେ-ଅପରୁ ବାହାର ହୋଇଯାଇଛି । ତେବେ ରାଜସ୍ଥାନ ଦଳ ହାଇଦ୍ରାବାଦ ତୁଳନାରେ ଅପେକ୍ଷାକୃତ ଉନ୍ନତ ପ୍ରଦର୍ଶନ କରି ଏ ପର୍ଯ୍ୟନ୍ତ ୮ ପଏଣ୍ଟ ପାଇଛି ।