ସୁପରଷ୍ଟାର୍ସ-କୋଣାର୍କ ସୂର୍ଯ୍ୟାସ୍ ଫାଇନାଲ୍ ଆଜି

ଭୁବନେଶ୍ବର: ଚଳିତ ଲିଜେଣ୍ଡ୍‌ସ ଲିଗ୍ କ୍ରିକେଟ୍‌ ପ୍ରତିଯୋଗିତାର ଫାଇନାଲ୍‌ରେ ବୁଧବାର ସଦର୍ଣ୍ଣ ସୁପରଷ୍ଟାର୍ସ ଓ କୋଣାର୍କ ସୂର୍ଯ୍ୟାସ୍ ଓଡ଼ିଶା ମୁହାଁମୁହିଁ ହେ‌ବେ। ଏହି ମ୍ୟାଚ୍ ଶ୍ରୀନଗରର ବକ୍ସି ଷ୍ଟାଡିୟମ୍‌ରେ ଖେଳାଯିବ। ପ୍ରଥମ କ୍ବାଲିଫାୟରରେ ସଦର୍ଣ୍ଣ ସୁପରଷ୍ଟାର୍ସ ୭ ୱିକେଟ୍‌ରେ କୋଣାର୍କ ସୂର୍ଯ୍ୟାସ୍ ଓଡ଼ିଶା ଦଳକୁ ହରାଇ ପ୍ରଥମ ଦଳ ଭାବେ ଫାଇନାଲ୍‌ରେ ସ୍ଥାନ ସୁରକ୍ଷିତ କରି ନେଇଥିଲା। 

ଅନ୍ୟପକ୍ଷରେ କୋଣାର୍କ ସୂର୍ଯ୍ୟାସ୍ ଓଡ଼ିଶା ସୋମବାରର ଉତ୍କଣ୍ଠାପୂର୍ଣ୍ଣ ଦ୍ବିତୀୟ କ୍ବାଲିଫାୟରରେ ତୋୟମ ହାଇଦ୍ରାବାଦକୁ ୧ ରନ୍‌ରେ ହରାଇ ଫାଇନାଲ୍ ଟିକେଟ ହାସଲ କରିଥିଲା। ଏଣୁ ଫାଇନାଲ୍ ବେଶ୍ ସଂଘର୍ଷପୂର୍ଣ୍ଣ ହେବ ବୋଲି ଆଶା‌ କରାଯାଉଛି। କୋଣାର୍କ ସୂର୍ଯ୍ୟାସ୍ ଓଡ଼ିଶା ଦଳର ସଫଳତାରେ ଅଧିନାୟକ ଇର୍ଫାନ୍ ପଠାନଙ୍କର ମହତ୍ତ୍ବପୂର୍ଣ୍ଣ ଭୂମିକା ରହି ଆସିଛି। ଅସନ୍ତାକାଲିର ଟ୍ରଫି ଟକ୍କରରେ ମଧ୍ୟ ତାଙ୍କର ଗୁରୁତ୍ବପୂର୍ଣ୍ଣ ଯୋଗଦାନ ରହିବ  ବୋଲି ଆଶା କରାଯାଉଛି। ଫାଇନାଲ୍‌ ଜିତିଲେ କୋଣାର୍କ ସୂର୍ଯ୍ୟାସ୍ ଓଡ଼ିଶା ଦଳ ପଦାର୍ପଣରେ ବିଜେତା ହେବାର ଅନନ୍ୟ ରେକର୍ଡ ମଧ୍ୟ କରିବ।