ସୂର୍ଯ୍ୟକୁମାର ଜଣେ ଗଣିତଜ୍ଞ: ଶ୍ରୀଶାନ୍ତ
ମୁମ୍ବାଇ: ଆଇପିଏଲ୍ ଇତିହାସରେ ମୁମ୍ବାଇ ଇଣ୍ଡିଆନ୍ସ ପ୍ରଥମ ଦଳ ଭାବେ ଲଗାତାର ଭାବେ ୨୦୦ରୁ ଊଧ୍ବ ରନ୍କୁ ସଫଳ ପଶ୍ଚାତଧାବନ କରିଛି। ରୋହିତ ଶର୍ମାଙ୍କ ଦଳ ପୂର୍ବ ମ୍ୟାଚ୍ରେ ରାଜସ୍ଥାନ ରୟାଲ୍ସ ବିପକ୍ଷରେ ୨୧୩ ରନ୍ କରିବା ପରେ ବୁଧବାର ରାତିରେ ମୋହାଲିରେ ୭ ବଲ୍ ପୂର୍ବରୁ ୨୧୬ ରନ୍ କରି ପଞ୍ଜାବ କିଙ୍ଗ୍ସକୁ ଅତି ସହଜରେ ୬ ୱିକେଟ୍ରେ ପରାସ୍ତ କରିଥିଲା। ଏହି ବଜୟର କର୍ଣ୍ଣଧାର ସାଜିଥିଲେ ଦୁଇ ଭାରତୀୟ ତାରକା ଈଶାନ କିଶନ ଓ ସୂର୍ଯ୍ୟକୁମାର ୟାଦବ। ଈଶାନ କିଶନ ଫର୍ମକୁ ଫେରିବା ମୁମ୍ବାଇ ପାଇଁ ଶୁଭଙ୍କର ହୋଇଥିବା ବେଳେ ସୂର୍ଯ୍ୟଙ୍କ ୩୬୦ ଡିଗ୍ରି ହିଟିଂ ଦକ୍ଷତାକୁ ବିଭିନ୍ନ ଦିଗରୁ ଉଚ୍ଚ ପ୍ରଶଂସା କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ବିଶ୍ବର ଏହି ଏକ ନମ୍ବର ଟ୍ବେଣ୍ଟି-୨୦ ବ୍ୟାଟର୍କୁ ପ୍ରଶଂସା କରି ପୂର୍ବତନ ଭାରତୀୟ ଦ୍ରୁତ ବୋଲର ଏସ୍ ଶ୍ରୀଶାନ୍ତ କହିଛନ୍ତି, ‘ସ୍କାଏ (ଏସ୍କେୱାଇ-ସୂର୍ଯ୍ୟ କୁମାର ୟାଦବ) କେବଳ ବ୍ୟାଟର୍ ନୁହନ୍ତି, ସେ ଜଣେ ଗଣିତଜ୍ଞ। ସେ ପଡ଼ିଆକୁ ଭାଗଭାଗ କରି ଦେଖିପାରନ୍ତି, ଯେଭଳି ଜଣେ ଗଣିତଜ୍ଞ ନନିଜ କମ୍ପାସ ଓ ପ୍ରୋଟ୍ରାକ୍ଟର ଧରି କାଜଜ ଉପରେ କାମ କରିଥା’ନ୍ତି। ପଡ଼ିଆର ବିଭିନ୍ନ ଦିଶା ଓ ବୋଲରଙ୍କ ଗତିକୁ ସେ ନିଜ ଶାଣିତ ମସ୍ତିସ୍କରେ ବ୍ୟବହାର କରିଥା’ନ୍ତି। ପଡ଼ିଆର କେଉଁଠି କେଉଁଠି ଗ୍ୟାପ୍ ଅଛି ଜଳଜଳ ଦେଖିପାରନ୍ତି। ସମସ୍ତେ ସୂର୍ଯ୍ୟଙ୍କ ପାଇଁ ‘ସ୍କାଏ ଇଜ ଦ ଲିମିଟ୍’ କୁହନ୍ତି, ହେଲେ ମୋ ମତରେ ତାଙ୍କ ପାଇଁ ‘ସ୍କାଏ ଇଜ୍ ନଟ୍ ଦ ଲିମିଟ୍’।