ନୂଆଦିଲ୍ଲୀ: ଆଇସିସି ଚାମ୍ପିଅନ୍ସ ଟ୍ରଫି ପାଇଁ ଭାରତୀୟ ଦଳ ପାକିସ୍ତାନ ଯିବ ନାହିଁ ବୋଲି ସ୍ପଷ୍ଟ କରିସାରିଛି ବିସିସିଆଇ | ଏହି ନିଷ୍ପତ୍ତି ପରେ ଏବେ ୨ଦେଶର କ୍ରିକେଟ ପ୍ରଶଂସକଙ୍କ ମଧ୍ୟ ବିତର୍କ ଆରମ୍ଭ ହୋଇଛି | 'ସୁରକ୍ଷା କାରଣରୁ' ପାକିସ୍ତାନକୁ ଭାରତୀୟ ଦଳ ଯିବା ସମ୍ଭବ ନୁହେଁ ବୋଲି ବିସିସିଆଇ କହିସାରିଥିବା ବେଳେ ପାକିସ୍ତାନର କିଛି ପୂର୍ବତନ କ୍ରିକେଟର ଦାବି କରିଛନ୍ତି ଯେ ଭାରତୀୟ ଖେଳାଳିଙ୍କ ପାଇଁ ପାକିସ୍ତାନ ଯେତିକି ସୁରକ୍ଷିତ ରହିବା ଜରୁରୀ ସେତିକି ସୁରକ୍ଷିତ ଅଛି । 

Advertisment

ଭାରତର ଟି-୨୦ ଅଧିନାୟକ ସୂର୍ଯ୍ୟକୁମାର ଯାଦବଙ୍କୁ ଏହି ପ୍ରସଙ୍ଗରେ ଜଣେ ପ୍ରଶଂସକଙ୍କ ପ୍ରଶ୍ନ କରିଥିଲେ | ପାକିସ୍ତାନକୁ ଭାରତୀୟ ଦଳ କାହିଁକି ଯାଉନାହିଁ ବୋଲି ପ୍ରଶଂସକ ପ୍ରଶ୍ନ କରିବାରୁ  ସୂର୍ଯ୍ୟକୁମାର ଯେଉଁ ଉତ୍ତର ଦେଇଥିଲେ ତାହା ଏବେ ଭାଇରାଲ ହେଉଛି | ପ୍ରଶଂସକଜଣକ ପ୍ରଶ୍ନ କରିଥିଲେ, ମୋତେ ଗୋଟେ କଥା କହିପାରିବ କି, ଭାରତୀୟ ଦଳ କାହିଁକି ପାକିସ୍ତାନ ଖେଳିବାକୁ ଯାଉନାହିଁ? ଉତ୍ତରରେ ସୂର୍ଯ୍ୟକୁମାର କହିଥିଲେ, ଆରେ ଭାଇ ଆମ ହାତରେ କିଛି ନାହିଁ |

ଅନ୍ୟପକ୍ଷରେ, ପାକିସ୍ତାନର ଏକ ପ୍ରତିଷ୍ଠିତ ଖବରକାଗଜରେ ପ୍ରକାଶିତ ରିପୋର୍ଟ ଅନୁଯାୟୀ, ଭାରତୀୟ ଦଳ ପାକିସ୍ତାନ ନଯିବାକୁ ନେଇ ପିସିବି ଅସନ୍ତୁଷ୍ଟ ଅଛି ଓ ଭବିଷ୍ଯତରେ ଭାରତ ସହ କୌଣସି ଆସିସି ଟୁର୍ଣ୍ଣାମେଣ୍ଟରେ ନ ଖେଳିବାକୁ ବିଚାର କରୁଛି ।