ସୟଦ ମୁସ୍ତାକ ଅଲ୍ଲୀ ଟ୍ରଫି: ଓଡ଼ିଶାର ହ୍ୟାଟ୍ରିକ୍ ପରାଜୟ
କଟକ: କୋଲ୍କାତାରେ ଚାଲିଥିବା ସୟଦ ମୁସ୍ତାକ ଅଲ୍ଲୀ ଟ୍ରଫି ଟ୍ବେଣ୍ଟି-୨୦ କ୍ରିକେଟ୍ ପ୍ରତିଯୋଗିତାରେ ଓଡ଼ିଶାର ନେତୃତ୍ବ ବଦଳିଥିଲେ ମଧ୍ୟ ଭାଗ୍ୟରେ ପରିବର୍ତନ ଘଟିନି। ଯାହା ଫଳରେ ଓଡ଼ିଶା ହ୍ୟାଟ୍ରିକ୍ ପରାଜୟ ବରଣ କରିଛି। ପ୍ରଥମେ ଶୁଭ୍ରାଂଶୁ ସେନାପତିଙ୍କ ନେତୃତ୍ବରେ ଦଳ ବେଙ୍ଗଲ ଓ ହାଇଦ୍ରାବାଦ ନିକଟରୁ ହାରି ଯାଇଥିଲା ବେଳେ ଏବେ ବିପ୍ଲବ ସାମନ୍ତରାୟଙ୍କ ନେତୃତ୍ବରେ ତାମିଲନାଡୁଠୁ ହାରି କ୍ରମାଗତ ତୃତୀୟ ପରାଜୟକୁ ଆଦରି ନେଇଛି।
Sambad is now on WhatsApp
Join and get latest news updates delivered to you via WhatsApp
ଗୁରୁବାର ଇଡେନ ଗାର୍ଡେନ୍ରେ ତାମିଲନାଡୁ ବିପକ୍ଷରେ ଖେଳିଥିବା ତୃତୀୟ ମ୍ୟାଚ୍ରେ ଓଡ଼ିଶା ୮ ଵିକେଟ୍ରେ ପରାସ୍ତ ହୋଇଛି। ଶୁଭ୍ରା˚ଶୁ ସେନାପତିଙ୍କ ବଦଳରେ ନେତୃତ୍ବ ଭାର ନେଇଥିବା ବିପ୍ଲବ ସାମନ୍ତରାୟ ଟସ୍ ଜିତି ପ୍ରଥମେ ବ୍ୟାଟି˚ ନେଇଥିଲେ। ଓଡ଼ିଶା ୯ ଵିକେଟ୍ ବିନିମୟରେ ୧୩୨ ରନ୍ କରିଥିଲା। ଗୌରବ ଚୌଧୁରୀ ମ୍ୟାଚ୍ରେ ପଦାର୍ପଣ କରିଥିଲା ବେଳେ ତାଙ୍କୁ ରାଜେଶ ଧୂପରଙ୍କ ସହ ପାଳି ଆରମ୍ଭ କରିବାକୁ ସୁଯୋଗ ଦିଆଯାଇଥିଲା। ଏହି ଯୋଡ଼ି ଦ୍ରୁତ ଆରମ୍ଭ କରି ୧୦ ହାରରେ ରନ୍ ସ˚ଗ୍ରହ କରିଥିଲେ। ତେବେ ଚତୁର୍ଥ ଓଭର ବେଳକୁ ଦଳୀୟ ସ୍କୋର୍ ୩୨ ହୋଇଥିଲା ବେଳେ ଗୌରବ ଆଉଟ ହୋଇଯାଇଥିଲେ। ତାଙ୍କ ସ୍ଥାନରେ ଆସିଥିବା ଗୋବିନ୍ଦ ପୋଦ୍ଦାର ମାତ୍ର ୮ ରନ୍ କରିବାକୁ ସକ୍ଷମ ହୋଇଥିଲେ। ଧୂପର ଓ ଶୁଭ୍ରା˚ଶୁ ତୃତୀୟ ଵିକେଟରେ ୨୮ ରନ୍ ଯୋଡ଼ିଥିଲେ। ହେଲେ ଶୁଭ୍ରା˚ଶୁ (୨୦) ଓ ଧୂପର (୨୨) ଆଉଟ ହୋଇଯିବା ପରେ ବ୍ୟାଟି˚କ୍ରମ ଭାଙ୍ଗିଯାଇଥିଲା। ବିପ୍ଲବ ସାମନ୍ତରାୟ ୭, ଅଙ୍କିତ ଯାଦବ ୪, ସର୍ବେଶ୍ବର ମହାନ୍ତି ୧୬, ରାଜେଶ ମହାନ୍ତି ୪ ରନ୍ କରି ଆଉଟ୍ ହୋଇଥିଲେ। ସୂର୍ଯ୍ୟକାନ୍ତ ପ୍ରଧାନ ବଡ଼ ସଟ୍ ଖେଳିବାକୁ ଯାଇ ୧୦ ବଲ୍ରୁ ୧ ଚୌକା ଓ ୨ ଛକା ସହାୟତାରେ ୨୩ ରନ୍ କରିଥିଲେ। ମୁରୁଗାନ ଅଶ୍ବିନ ୩, ଏମ୍ ମହମ୍ମଦ ଓ ଅଶ୍ବିନ କ୍ରିଷ୍ଟ ଦୁଇଟି ଲେଖାଏଁ ଵିକେଟ୍ ନେଇଥିଲେ।
ଜବାବରେ ତାମିଲନାଡ଼ୁ ୨ ଵିକେଟ୍ ବିନିମୟରେ ୧୫.୧ ଓଭରରେ ମ୍ୟାଚ୍ ଜିତିଯାଇଥିଲା। ସି ହରି ନିଶାନ୍ତ ୨୯ ଓ ନାରାୟଣ ଜଗଦୀଶାନ ୬୧ ରନ୍ରେ ଆଉଟ୍ ହୋଇଥିଲେ। ତେବେ ଅରୁଣ କାର୍ତ୍ତିକ (୨୮*) ଓ ଶାହରୁଖ ଖାନ୍ (୧୮*) ଅପରାଜିତ ରହି ଦଳକୁ ଜିତାଇଥିଲେ।
ସ˚କ୍ଷିପ୍ତ ସ୍କୋର: ଓଡ଼ିଶା ୨୦ ଓଭରରେ ୧୩୨/୯ (ରାଜେଶ ଧୂପର ୨୨, ଶୁଭ୍ରା˚ଶୁ ସେନାପତି ୨୦, ସୂର୍ଯ୍ୟକାନ୍ତ ପ୍ରଧାନ ୨୩, ମୁରୁଗାନ ଅଶ୍ବିନ ୩/୧୬, ଅଶ୍ବିନ କ୍ରିଷ୍ଟ ୨/୩୪, ଏମ୍ ମହମ୍ମଦ ୨/୩୦। ତାମିଲନାଡୁ ୧୫.୧ ଓଭରରେ ୧୩୬/୨ (ସି ହରି ନିଶାନ୍ତ ୨୯, ନାରାୟଣ ଜଗଦୀଶାନ ୬୧, ଅରୁଣ କାର୍ତ୍ତିକ ୨୮*, ଶାହରୁଖ ଖାନ୍ ୧୮*, ପପୁ ରଏ ୧/୩୨, ଅଙ୍କିତ ଯାଦବ ୧/୧୭।