କାହିଁକି ଭାରତ ବିପକ୍ଷରେ ଖେଳିନଥିଲେ ତସ୍କିନ, ନିଜେ କହିଲେ କାରଣ

ନୂଆଦିଲ୍ଲୀ: ଟି-୨୦ ବିଶ୍ୱକପରେ ଟିମ୍ ଇଣ୍ଡିଆ ସୁପର ୮ରେ ବାଂଲାଦେଶକୁ ୫୦ ରନରେ ପରାସ୍ତ କରିଥିଲା | ବାଂଲାଦେଶ ଖେଳାଳି ତସ୍କିନ ଅହମ୍ମଦ ଏହି ମ୍ୟାଚରେ ଖେଳିପାରିନଥିଲେ। ତେବେ ସେ କାହିଁକି ଖେଳିନଥିଲେ ସେତେବେଳେ ଚର୍ଚ୍ଚା ଜୋର ଧରିଥିଲା | ସେତେବେଳେ କୁହାଯାଇଥିଲା ଯେ ତସ୍କିନ ମ୍ୟାଚ୍ ପୂର୍ବରୁ ଶୋଇପଡିଥିଲେ ଏବଂ ଏତେ ଗଭୀର ନିଦରେ ଥିଲେ ଯେ ଦଳର ବସ୍ ତାଙ୍କୁ ଛାଡି ପଳାଇଥିଲା | ବର୍ତ୍ତମାନ ତସ୍କିନ ଏହି ପ୍ରସଙ୍ଗରେ ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି ଯେ ଶୋଇବା କାରଣରୁ ତାଙ୍କୁ ବାଦ ଦିଆଯାଇନଥିଲା । ତସ୍କିନ ଅହମ୍ମଦ ନିଜ ପ୍ରତିକ୍ରିୟାରେ କହିଛନ୍ତି ଯେ ମୁଁ ଟିକେ ବିଳମ୍ବ କରିଥିଲି। କିନ୍ତୁ ଟସ୍ ପୂର୍ବରୁ ପହଞ୍ଚିଯାଇଥିଲି । ଟସ ପଡିବାର ୩୦-୪୦ ମିନିଟ୍ ପୂର୍ବରୁ ମୁଁ ପଡିଆରେ ପହଞ୍ଚିଯାଇଥିଲି | ସେ କହିଛନ୍ତି ଯେ ଏହା ସତ ଯେ ମୋର ଟିମ୍ ବସରେ ମୁଁ ଯାଇପାରିନଥିଲି, କିନ୍ତୁ ଏହା ପରେ ନିଜ ବ୍ୟବସ୍ଥାରେ ପଡିଆରେ ପହଁଚିଯାଇଥିଲି | ଏହା ନୁହେଁ ଯେ ମୁଁ ବିଳମ୍ବରେ ଆସିଥିବାରୁ ସେମାନେ ମୋତେ ଖେଳାଇନଥିଲେ | ବାସ୍ତବରେ ସେତେବେଳେ ହୋଇଥିବା ଚର୍ଚ୍ଚା ପରେ ତସ୍କିନଙ୍କୁ ଏହି ପ୍ରସଙ୍ଗରେ ଅନେକ ଟ୍ରୋଲର ସାମ୍ନା କରିବାକୁ ପଡିଲା |

ସେ ଟିମ୍ ଇଣ୍ଡିଆ ବିପକ୍ଷରେ ଖେଳିପାରିନଥିଲେ। ତେବେ ଆଫଗାନିସ୍ତାନ, ଅଷ୍ଟ୍ରେଲିଆ, ନେପାଳ ଏବଂ ନେଦରଲ୍ୟାଣ୍ଡ ବିପକ୍ଷରେ ଖେଳାଯାଇଥିବା ମ୍ୟାଚରେ ସେ ଖେଳିଥିଲେ । ଯଦି ଆମେ ବର୍ତ୍ତମାନ ପର୍ଯ୍ୟନ୍ତ ତସ୍କିନଙ୍କ କ୍ୟାରିଅରକୁ ଦେଖିବା, ସେ ୬୭ଟି ଟି -୨୦ ମ୍ୟାଚରେ ବାଂଲାଦେଶ ପାଇଁ ୭୨ଟି ୱିକେଟ୍ ନେଇଛନ୍ତି। ଏହି ଅବଧି ମଧ୍ୟରେ ୧୬ ରନ୍ ପାଇଁ ୪ଟି ୱିକେଟ୍ ନେବା ତାଙ୍କର ସର୍ବୋତ୍ତମ ପ୍ରଦର୍ଶନ | ୭୩ଟି ଦିନିକିଆ ମ୍ୟାଚରେ ତସ୍କିନ ୧୦୩ଟି ୱିକେଟ୍ ନେଇଛନ୍ତି। ସୂଚନା ଥାଉ କି ଯେ ବାଂଲାଦେଶ ଟି -୨୦ ବିଶ୍ୱକପ ୨୦୧୪ରେ ସେମିଫାଇନାଲରେ ପ୍ରବେଶ କରିପାରିନଥିଲା। ବାଂଲାଦେଶ ସୁପର ୮ ରେ ତିନୋଟି ମ୍ୟାଚ୍ ଖେଳିଥିଲା ​​ଏବଂ ତିନୋଟିରେ ପରାଜୟର ସମ୍ମୁଖୀନ ହୋଇଥିଲା | ବାଂଲାଦେଶ ଭାରତ, ଆଫଗାନିସ୍ତାନ ଏବଂ ଅଷ୍ଟ୍ରେଲିଆଠାରୁ ପରାସ୍ତ ହୋଇଥିଲା।