ଟାଟା ଷ୍ଟିଲ୍ ଚେସ୍ ପ୍ରତିଯୋଗିତା, ଆନନ୍ଦଙ୍କ ଭଲ ଆରମ୍ଭ
ଭୁବନେଶ୍ବର: ଶୁକ୍ରବାର କୋଲ୍କାତାରେ ଉଦ୍ଘାଟିତ ଟାଟା ଷ୍ଟିଲ୍ ଚେସ୍ ପ୍ରତିଯୋଗିତାର ରାପିଡ୍ରେ ଭାରତୀୟ ଗ୍ରାଣ୍ଡ୍ ମାଷ୍ଟର ବିଶ୍ବନାଥନ୍ ଆନନ୍ଦ ଭଲ ଆରମ୍ଭ ପାଇଛନ୍ତି। ପ୍ରଥମ ଦିବସରେ ୩ ରାଉଣ୍ଡ ଖେଳ ହୋଇଥିଲା ବେଳେ ଆନନ୍ଦ ସବୁତକ ଅମୀମାଂସିତ ରଖିଥିଲେ। ଆନନ୍ଦ ଚୀନ୍ର ଡିଙ୍ଗ୍ ଲିରେନ୍, ଆମେରିକାର ୱେସ୍ଲି ସୋ’ ଏବଂ ରୁଷିଆର ନେପୋମ୍ନିଆଚିଙ୍କ ସହିତ ପଏଣ୍ଟ ଭାଗ କରିଥିଲେ। ଫଳରେ ପ୍ରଥମ ଦିବସରେ ଆନନ୍ଦ ୩ ପଏଣ୍ଟ୍ ପାଇଥିଲେ। ତେବେ ଏହି ୧୦ ଜଣିଆ ପ୍ରତିଯୋଗିତାରେ ଯଦି ଆନନ୍ଦ ଷଷ୍ଠ ସ୍ଥାନ ମଧ୍ୟରେ ରୁହନ୍ତି, ତେବେ ଲଣ୍ଡନରେ ଖେଳାଯିବାକୁ ଥିବା ଗ୍ରାଣ୍ଡ ଫାଇନାଲ୍କୁ ଯୋଗ୍ୟତା ହାସଲ କରିପାରିବେ।
Sambad is now on WhatsApp
Join and get latest news updates delivered to you via WhatsApp
ତେବେ ପ୍ରଥମ ଦିବସରେ ୫ ପଏଣ୍ଟ୍ ପାଇ ନରୱେ ଗ୍ରାଣ୍ଡମାଷ୍ଟର ମାଗ୍ନସ କାର୍ଲସେନ୍ ସର୍ବାଗ୍ରେ ରହିଥିଲେ। ସେ ୨ ବିଜୟ ପାଇଥିଲା ବେଳେ ଗୋଟିକୁ ଅମୀମାଂସିତ ରଖିଥିଲେ। ଆମେରିକାର ହିକାରୁ ନାକାମୁରା ୪ ପଏଣ୍ଟ୍ ସହ ଦ୍ବିତୀୟରେ ଥିଲା ବେଳେ ହଲାଣ୍ଡ୍ର ଅନିଶ ଗିରି, ଡିଙ୍ଗ୍ ଲିରେନ୍ ଏବଂ ଅନ୍ୟ ଦୁଇ ଭାରତୀୟ ଭିଦିତ୍ ଗୁଜୁରାଟି ଓ ପି ହରିକୃଷ୍ଣାଙ୍କ ସହ ଆନନ୍ଦ ମିଳିତ ତୃତୀୟରେ ରହିଛନ୍ତି। ଆର୍ମେନିଆର ଲେଭନ୍ ଆରୋନିଆନ୍ ଓ ରୁଷିଆର ନେପୋମ୍ନିଆଚି ଶେଷ ସ୍ଥାନରେ ଅଛନ୍ତି।