ଜୈବ ବଳୟ ଉଲ୍ଲଂଘନର କାରଣ କହିବା କଷ୍ଟକର: ଗାଙ୍ଗୁଲି

କୋଲ୍‌କାତା: ଆଇପିଏଲ୍-୨୦୨୧ ଅଧାରୁ ବନ୍ଦ ହେବା ଏବଂ ବିସିସିଆଇ ଦାବି କରୁଥିବା ଅଭେଦ୍ୟ ଜୈବ ବଳୟ ଅକାଳରେ ଭୁଶୁଡ଼ି ପଡ଼ିବା ନେଇ ସଭାପତି ସୌରଭ ଗାଙ୍ଗୁଲି ମୁହଁ ଖୋଲିଛନ୍ତି। ଜୈବ ବଳୟ କେମିତି ଏବଂ କିଭଳି ଭାବେ ଉଲ୍ଲଂଘନ ହେଲା ତାହା କହିବା ଅତ୍ୟନ୍ତ କଷ୍ଟକର ବୋଲି ଗୁରୁବାର ଦେଇଥିବା ଏକ ଭର୍ଚୁଆଲ ସାକ୍ଷାତକାର ଅବସରରେ ‌କହିଛନ୍ତି ‌ଗାଙ୍ଗୁଲି। ସେପଟେ ଜୈବ ବଳୟ ଆଦୌ ଉଲ୍ଲଂଘନ ହୋଇନଥିବା ବିସିସିଆଇର ଆଉ ଜଣେ ବରିଷ୍ଠ ଅଧିକାରୀ ଦାବି କରିଥିଲା ବେଳେ ଏତେଜଣ ଖେଳାଳି କିଭଳି ଓ କେମିତି କରୋନା ସଂକ୍ରମିତ ହେଲେ, ସେଥିନେଇ ଆଶ୍ଚର୍ଯ୍ୟ ପ୍ରକଟ କରିଛନ୍ତି। ସେ ମଧ୍ୟ ଗାଙ୍ଗୁଲିଙ୍କ ସହ ଏକମତ ହୋଇଛନ୍ତି।

ଏବର୍ଷ ଆଇପିଏଲ୍‌ର ଭବିଷ୍ୟତ ସଂପର୍କରେ ସ୍ପଷ୍ଟ ମତାମତ ଦେବାକୁ ଯାଇ ଗାଙ୍ଗୁଲି ଆହୁରି କହିଛନ୍ତି ଯେ ଆଇପିଏଲ୍‌କୁ ପୁନର୍ବାର ଆରମ୍ଭ କରିବା ଲାଗି ଚଳିତ ବର୍ଷ ଆଉ ସମୟ ମିଳିବ କି ନାହିଁ, ସେକଥା ଏବେ କହିବା ବି ସହଜ ନୁହେଁ। ପୂର୍ବରୁ ଆମେ ଆଇପିଏଲ୍‌କୁ ୟୁଏଇରେ କରିବାକୁ ଆଲୋଚନା ଆରମ୍ଭ କରିଦେଇଥିଲୁ। ହେଲେ ଭାରତରେ କରୋନା ସଂକ୍ରମଣ ମାମଲା ନଗଣ୍ୟ ଥିବାରୁ ଘରୋଇ ପରିବେଶରେ ଆୟୋଜନ କରିବାକୁ ଶେଷରେ ନିଷ୍ପତ୍ତି ନେଇଥିଲୁ।

ସମ୍ବନ୍ଧିତ ଖବର