ଆଇଏସ୍ଏଲ୍ ୨୦୨୧-୨୨ ପାଇଁ ଦଳ ଘୋଷଣା କଲା ଓଡ଼ିଶା ଏଫ୍ସି
ଭୁବନେଶ୍ବର: ହିରୋ ଇଣ୍ଡିଆନ୍ ସୁପର ଲିଗ୍ (ଆଇଏସ୍ଏଲ୍) ୨୦୨୧-୨୨ ଲାଗି ଓଡ଼ିଶା ଏଫ୍ସି ବୁଧବାର ୨୭ ଜଣିଆ ଦଳ ଘୋଷଣା କରିଛି। ଏହି ଭୁବନେଶ୍ବର ଭିତ୍ତିକ ଦଳ ଆଗାମୀ ଋତୁ ଲାଗି ବିନିତ ରାଏ, ଭିକ୍ଟର ମଙ୍ଗିଲ ଓ ହେକ୍ଟର ରୋଡସଙ୍କ ନାମରେ ତିନି ଜଣ ଅଧିନାୟକଙ୍କ ନାମ ପୂର୍ବରୁ ଘୋଷଣା କରିସାରିଛି। ସେହିଭଳି କ୍ଲବ୍ର ଯୁବ ଦଳରୁ ୩ଜଣ ଖେଳାଳି ଡେଭନ ସହନୀ, ଅକ୍ଷୁନ ତ୍ୟାଗି ଓ ସିଭିଏଲ୍ ରେକତୁଲୁଙ୍ଗା ବରିଷ୍ଠ ଦଳକୁ ପଦୋନ୍ନତି ପାଇଥିବା ପୂର୍ବରୁ ଘୋଷଣା କରିସାରିଛି ଓଡ଼ିଶା ଏଫ୍ସି। ୨୦୨୧-୨୨ ଋତୁ ଲାଗି ଘୋଷିତ ଓଡ଼ିଶା ଏଫ୍ସି ଦଳରେ ୬ ଜଣ ବିଦେଶୀ ଏବଂ ୭ ଜଣ ଉଦୀୟମାନ ଖେଳାଳି ଅଛନ୍ତି। ଏହି ଭୁବନେଶ୍ବର ଭିତ୍ତିକ ଦଳ ଚଳିତ ମାସ ୨୪ ତାରିଖରେ ଭାସ୍କୋର ତିଲକ ମଇଦାନରେ ବେଙ୍ଗାଲୁରୁ ଏଫ୍ସି ବିପକ୍ଷରେ ତାର ଅଭିଯାନ ଆରମ୍ଭ କରିବ।
Sambad is now on WhatsApp
Join and get latest news updates delivered to you via WhatsApp
ଦଳ: ଗୋଲ୍ରକ୍ଷକ-କମଲଜୀତ ସିଂହ, ଅର୍ଶଦୀପ ସିଂହ, ରବି କୁମାର। ରକ୍ଷଣଭାଗ ଖେଳାଳି: ଗୌରବ ବୋରା, ଲାଲରୁଥରା, ସାହିଲ ପନୱର, ହେଣ୍ଡ୍ରି ଆଣ୍ଟୋନି, ଲାଲଡ୍ରେଜୁଲା ସାଇଲୁଙ୍ଗ, ସେବାସ୍ତିଆନ୍ ଥଙ୍ଗ୍ମୁନସଙ୍ଗ, ଦେବେନ ସହନୀ, ଭିଷ୍ଟର ମଙ୍ଗିଲ, ହେକ୍ଟର ରୋଡସ୍। ମଧ୍ୟଭାଗ: ଥୋଇବା ସିଂହ ମୋଇରଙ୍ଗଥମ୍, ବିନିତ ରାଏ, ପଲ୍ ରାମଫଙ୍ଗଜାଭୁଆ, ଇସାକ ଭନମଲସୱମା, ଇସାକ ଭନଲାରୁଥଫେଲା, ଲିରିଡନ୍ କ୍ରାସନିକ, ଜାଭି ହଣ୍ଣାଣ୍ଡେଜ୍, ଜେରି ମାୱିମିଙ୍ଗଥଙ୍ଗା, ନନ୍ଦକୁମାର ସେକର, ସିଭିଏଲ୍ ରେମତଲୁଆଙ୍ଗା, ନିକି ରାଜ। ଅଗ୍ରଭାଗ: ଅକ୍ଷୁନ ତ୍ୟାଗୀ, ଡାନିଏଲ୍ ଲାଲଲିମ୍ପୁଆ, ଅରିଦାଇ କାବ୍ରେରା, ଜୋନାଥସ୍ କ୍ରିଷ୍ଟିଆନ ଡି ଜେସସ୍।