ତାସକେଣ୍ଟ: ଭାରତୀୟ ଭାରୋତ୍ତୋଳକ ଅଚିନ୍ତା ସିଉଳି ଚଳିତ ବିଶ୍ବ କନିଷ୍ଠ ବିଶ୍ବ ଭାରୋତ୍ତୋଳନରେ ରୌପ୍ୟ ପଦକ କରାୟତ୍ତ କରିଛନ୍ତି। ୭୩ କେଜି ବର୍ଗରେ ଅଂଶଗ୍ରହଣ କରିଥିବା ଅଚିନ୍ତା ୩ଟି ଯାକ ବିଭାଗରେ ନିଜର ବ୍ୟକ୍ତିଗତ ଶ୍ରେଷ୍ଠ ପ୍ରଦର୍ଶନ କରିଥିଲେ। ୧୯ ବର୍ଷୀୟ ଅଚିନ୍ତା ସ୍ନାଚ୍‌ରେ ୧୪୧ କେଜି, କ୍ଲିନ୍‌ ଓ ଜର୍କରେ ୧୭୨ କେଜି ମୋଟ ୩୨୩ କେଜି ଉଠାଇ ‌ରୌପ୍ୟ ପଦକ ଜିତିଥିଲେ। ରାଜ୍ୟଗୋ‌ଷ୍ଠୀ ପ୍ରତିଯୋଗିତା ସ୍ବର୍ଣ୍ଣ ବିଜେତା ସ୍ନାଚ୍‌ ଏବଂ କ୍ଲିନ୍‌ ଓ ଜର୍କରେ ଥିବା ନିଜର ପୂର୍ବ ବ୍ୟକ୍ତିଗତ ଶ୍ରେଷ୍ଠଠୁ ୨ କେଜି ଲେଖାଏଁ ଅଧିକ ଉଠାଇଥିଲେ। ଗତ ମାସ‌ ଏସୀୟ ପ୍ରତି‌ଯୋଗିତ‌ାରେ ସେ ଉଠାଇଥିବା ୩୦୯ (୧୩୯+୧୭୦) କେଜି ଶ୍ରେଷ୍ଠ ଥିଲା। ଇଣ୍ଡୋନେସିଆର ଜୁନିଆନ୍‌ସିଆ ରିଜକି ୩୪୯ (୧୫୫+୧୯୪) କେଜି ସ୍ବର୍ଣ୍ଣ ଏବଂ ରୁଷିଆର ସେରୋବିଆନ୍‌ ଜେଭୋର୍ଗ ୩୦୮ (୧୪୩+୧୬୫) କେଜି କାଂସ୍ୟ ଜିତିଥିଲେ।