ମୁମ୍ବାଇ: ଏଥର ଜିଓ ସିନେମାରେ ଆପଣ ଆଇପିଏଲ ମ୍ୟାଚର ସିଧାପ୍ରସାରଣ ମାଗଣାରେ ଦେଖିଥିବେ | ତେବେ ଆପଣଙ୍କ ପାଇଁ ଆଉ ଏକ ଖୁସି ଖବର ଅଛି | ବାସ୍ତବରେ ୱାର୍ଲଡ ଟେଷ୍ଟ ଚାମ୍ପିଅନସିପ୍ (ଡବ୍ଲୁଟିସି) ର ଫାଇନାଲ ମ୍ୟାଚ୍ ଖେଳିବା ପରେ ଭାରତୀୟ ଦଳର ଖେଳାଳିମାନେ ପ୍ରାୟ ୧ ମାସ ବିରତି ପାଇବେ ବୋଲି ଆଶା କରାଯାଉଛି | ଏହି ଗୁରୁତ୍ୱପୂର୍ଣ୍ଣ ମ୍ୟାଚ୍ ପରେ ଟିମ୍ ଇଣ୍ଡିଆ ଜୁଲାଇ ମାସରେ ୱେଷ୍ଟଇଣ୍ଡିଜ୍ ଗସ୍ତରେ ଯାଇପାରେ | ୱେଷ୍ଟଇଣ୍ଡିଜ୍ ଗସ୍ତରେ ଟିମ୍ ଇଣ୍ଡିଆ ୨ଟି ଟେଷ୍ଟ, ୩ଟି ଦିନିକିଆ ଏବଂ ୫ଟି ଟି -୨୦ ମ୍ୟାଚ୍ ଖେଳିପାରେ | ଭାରତୀୟ ପ୍ରଶଂସକମାନେ ଏହି ସିରିଜର ଲାଇଭ୍ ଟେଲିକାଷ୍ଟକୁ ଟିଭି ଏବଂ ଡିଜିଟାଲ୍ ପ୍ଲାଟଫର୍ମରେ ମାଗଣାରେ ଦେଖିପାରିବେ | ଭାରତରେ ୱେଷ୍ଟଇଣ୍ଡିଜର ମ୍ୟାଚ୍ ପ୍ରସାରଣ କରିବାର ରାଇଟ୍ସ ଫେନକୋଡ ହାସଲ କରିଛି |
Sambad is now on WhatsApp
Join and get latest news updates delivered to you via WhatsApp
କ୍ରିକବଜର ଏକ ରିପୋର୍ଟ ଅନୁଯାୟୀ, ଏହି ସିରିଜର ଡିଜିଟାଲ୍ ପ୍ରସାରଣ ପାଇଁ ଭାୟାକମ୍ ୧୮ ଫେନକୋଡ୍ ସହିତ ଚୁକ୍ତି କରିପାରେ | ଏଥି ସହିତ, ଫେନକୋଡ୍ ଟିଭି ପ୍ରସାରଣ ପାଇଁ ଡିଡି ସ୍ପୋର୍ଟସ ସହିତ ଆଲୋଚନା କରୁଛି | ଯଦି ଏହା ସମ୍ଭବ ହୁଏ ଆପଣ ଡିଡି ସ୍ପୋର୍ଟସ ସହ ଜିଓ ସିନେମାରେ ମାଗଣାରେ ଏହି ମ୍ୟାଚ ଦେଖିପାରିବେ | କ୍ରିକବଜ୍ ଅନୁଯାୟୀ, ଜୁଲାଇ ୧୨ ରୁ ୧୬ ପର୍ଯ୍ୟନ୍ତ ଟିମ୍ ଇଣ୍ଡିଆ ଡୋମିନିକାରେ ସିରିଜର ପ୍ରଥମ ଟେଷ୍ଟ ମ୍ୟାଚ୍ ଖେଳିବ। ଏହା ପରେ ସିରିଜର ଦ୍ୱିତୀୟ ଏବଂ ଶେଷ ଟେଷ୍ଟ ମ୍ୟାଚ୍ ତ୍ରିନିଦାଦରେ ଖେଳାଯିବ | ୨୭ ଜୁଲାଇରୁ ୩ ମ୍ୟାଚ୍ ବିଶିଷ୍ଟ ଦିନିକିଆ ସିରିଜ ଖେଳାଯିବାକୁ ଥିବାବେଳେ ୪ ରୁ ୧୩ ଅଗଷ୍ଟ ମଧ୍ୟରେ ଉଭୟ ଦଳ ମଧ୍ୟରେ ୫ ମ୍ୟାଚ୍ ବିଶିଷ୍ଟ ଟି -୨୦ ସିରିଜ୍ ଖେଳାଯାଇପାରେ | ତେବେ ଏପର୍ଯ୍ୟନ୍ତ ବିସିସିଆଇ ପକ୍ଷରୁ ଏନେଇ କୌଣସି ଘୋଷଣା କରାଯାଇ ନାହିଁ।