ବିବାହ ବନ୍ଧନରେ ବାନ୍ଧି ହେଲେ ଧୋନିଙ୍କୁ ସୈନିକ ବୋଲି କହି ପ୍ରଶଂସା କରିଥିବା ବୋଲର୍‌ ତୁଷାର ଦେଶପାଣ୍ଡେ

ନୂଆଦିଲ୍ଳୀ: ଆଜିକାଲି ବିବାହ ଋତୁ ଚାଲୁଛି। ଏହି ଅବସରରେ କ୍ରିକେଟର୍‌ରୁ ନେଇ ସିନୋ ତାରକା ପର୍ଯ୍ୟନ୍ତ ସମସ୍ତେ ନିଜ ନଜର ଜୀବନସାଥୀ ଚୟନ କରିବାରେ ଲାଗିପଡ଼ିଛନ୍ତି। ତେବେ ଏହାରି ମଧ୍ୟରେ କ୍ରିକେଟ୍‌ ତାରକା ମହେନ୍ଦ୍ର ସିଂହ ଧୋନିଙ୍କ ଚେନ୍ନାଇ ସୁପର୍‌ କିଙ୍ଗ୍‌ସ(ସିଏସ୍‌କେ) ଟିମ୍‌କୁ ଜଣେ ଖେଳାଳି ବିବାହ କରିଛନ୍ତି। ସେ ହେଉଛନ୍ତି ଆମ ସମସ୍ତଙ୍କ ପ୍ରିୟ ବୋଲର୍‌ ତୁଷ‌ାର ଦେଶପାଣ୍ଡେ।

ତୁଷାର ତାଙ୍କର ଦୀର୍ଘ ଦିନର ପ୍ରେମିକା ନଭା ଗଡ୍ଡମୱାରଙ୍କୁ ବିବାହ କରିଛନ୍ତି। ତାଙ୍କର ବିବାହର ଅନେକ ଫଟୋ ଓ ଭିଡିଓ ଏବେ ସୋସିଆଲ୍‌ ମିଡିଆରେ ଭାଇରାଲ୍‌ ହୋଇଛି। ମୁମ୍ବାଇରେ ଆୟୋଜିତ ଏହି ବିବାହ ଉତ୍ସବରେ ସିଏସ୍‌କେର ଅନ୍ୟତମ ବୋଲର୍‌ ଶିବମ ଦୁବେ ବି ଉପସ୍ଥିତ ରହିଥିଲେ।

ନଭା ଗଡ୍ଡମୱାର ବୃତ୍ତିରେ ଜଣେ ଚିତ୍ରକର। ସେ ସୋସିଆଲ୍‌ ମିଡିଆରେ ନିଜର ପେଣ୍ଟିଂ ସେୟାର୍‌ କରିଥାନ୍ତି। ନଭା ୨୦୨୩ ମସିହା ଆଇପିଏଲ୍‌ରେ ବି ସିଏସ୍‌କେ ପାଇଁ ଚିୟର୍‌ କରୁଥିବାର ନଜର ଆସିଥିଲେ। ତୁଷାର ୨୦୨୩ ଆଇପିଏଲ୍‌ରେ ନିଜର ସର୍ବୋତ୍ତମ ପ୍ରତିଭା ଦେଖାଇବାରେ ସମର୍ଥ‌ ହୋଇଛନ୍ତି। ପୂରା ଖେଳରେ ୨୧ ୱିକେଟ୍‌ ନେଇ ଦଳକୁ ଜିତାଇବାରେ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିଛନ୍ତି।

ସେ ନିଜେ ଧୋନିଙ୍କର ଜଣେ ବଡ଼ ପ୍ରଶଂସକ। ଚଳିତବର୍ଷ ଆଇପିଏଲ୍‌ରେ ନରେନ୍ଦ୍ର ମୋଦୀ ଷ୍ଟାଡିୟମ୍‌ରେ ୫ ୱିକେଟ୍‌ରେ ଗୁଜରାଟ ଟାଇଟନ୍ସକୁ ଶେଷ ବଲ୍‌ରେ ପରାସ୍ତ କରି ଟ୍ରଫି ହାସଲ କରିଥିଲା ଚେନ୍ନାଇ ସୁପର କିଙ୍ଗ୍ସ। ଏବେ କ୍ରିକେଟର ତୁଷ‌ାର ଦେଶପାଣ୍ଡେ ନିଜକୁ ଧୋନିଙ୍କ ସୈନିକ ବୋଲି କହିଥିଲେ।