ଉଗାଣ୍ଡା ପାରାବ୍ୟାଡ୍ମିଣ୍ଟନ: ଦିଲେଶ୍ବରଙ୍କୁ ସ୍ବର୍ଣ୍ଣ ସହ ୨ ପଦକ
ଅମରେନ୍ଦ୍ରଙ୍କୁ ରୌପ୍ୟ; ନୁରୁଲଙ୍କୁ ୨ କାଂସ୍ୟ
ଭୁବନେଶ୍ବର: ଉଗାଣ୍ଡାର କାମ୍ପାଲା ସହରରେ ଆୟୋଜିତ ଉଗାଣ୍ଡା ପାରାବ୍ୟାଡ୍ମିଣ୍ଟନ ଅନ୍ତର୍ଜାତୀୟ ପ୍ରତିଯୋଗିତାରେ ଭାରତୀୟ ଦଳରୁ ପ୍ରତିନିଧିତ୍ବ କରିଥିବା ତିନି ଓଡ଼ିଆ ତାରକା ଦିଲେଶ୍ବର ରାଓ, ଅମରେନ୍ଦ୍ର ବେହେରା ଏବଂ ନୁରୁଲ ହୁସେନ ଖାନ୍ ପଦକ ଜିତିବାର ଗୌରବ ଅର୍ଜନ କରିଛନ୍ତି। ଦିଲେଶ୍ବର (ସ୍ବର୍ଣ୍ଣ ଓ ରୌପ୍ୟ) ଏବଂ ନୁରୁଲ (କାଂସ୍ୟ) ଦୁଇଟି ଲେଖାଏଁ ପଦକ ଜିତିଥିବା ବେଳେ ଅମରେନ୍ଦ୍ର ବେହେରାଙ୍କୁ ରୌପ୍ୟ ମିଳିଛି।
Sambad is now on WhatsApp
Join and get latest news updates delivered to you via WhatsApp
ନବୀନ ଶିବକୁମାରଙ୍କୁ ସାଥୀ କରି ଖେଳୁଥିବା ଦିଲେଶ୍ବର ରବିବାର ପୁରୁଷ ଯୁଗଳ ଫାଇନାଲ୍ରେ ୨୧-୧୮, ୨୧-୧୯ରେ ଅମରେନ୍ଦ୍ର ଓ ତାଙ୍କ ସାଥୀ ଅଭିଜିତ୍ ସାକୁଜାଙ୍କୁ ପରାସ୍ତ କରି ସ୍ବର୍ଣ୍ଣ ପଦକ ଜିତିଥିଲେ। ଅମରେନ୍ଦ୍ର ଏହି ମ୍ୟାଚ୍ ହାରି ରୌପ୍ୟରେ ସନ୍ତୁଷ୍ଟ ରହିଥିଲେ। ସେହିପରି ପୁରୁଷ ଏକକରେ ଦିଲେଶ୍ବର ୧୬-୨୧, ୧୮-୨୧ରେ ନିଜ ଦେଶର ଶାରାନାପ୍ପାଙ୍କଠୁ ହାରି ରୌପ୍ୟ ପଦକରେ ସନ୍ତୁଷ୍ଟ ରହିଥିଲେ। ପୂର୍ବରୁ ଉଭୟ ଏକକ ଓ ଯୁଗଳ ସେମିଫାଇନାଲ୍ରେ ହାରିଥିବା ନୁରୁଲ ହୁସେନ ଖାନ୍ ଦୁଇଟି କାଂସ୍ୟ ସହ ଅଭିଯାନ ଶେଷ କରିଥିଲେ। ଏହି ୩ ଖେଳାଳିଙ୍କ ସଫଳତା ପାଇଁ ଓଡ଼ିଶା ଦଳର ପ୍ରଶିକ୍ଷକ ଶିବ ପ୍ରସାଦ ଦାସଙ୍କ ସହ ପାରା ସ୍ପୋର୍ଟସ ଆସୋସିଏସନ୍ ଅଫ୍ ଓଡ଼ିଶାର ସଭ୍ୟମାନେ ଅଭିନନ୍ଦନ ଜଣାଇଛନ୍ତି।