ଆଇପିଏଲର ତିନିଟି ସିଜିନ ପାଇଁ ଅଫିସିଆଲ ପାର୍ଟନର ହେଲା ‘ଅନଏକାଡେମି’
ମୁମ୍ବାଇ: ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ଶନିବାର ବାଙ୍ଗାଲୋର ଭିତ୍ତିକ ଶିକ୍ଷା ପ୍ରଯୁକ୍ତିବିଦ୍ୟା ସଂସ୍ଥା ‘ଅନଏକାଡେମି’କୁ ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ର ତିନିଟି ସିଜିନ ପାଇଁ ଅଫିସିଆଲ ପାର୍ଟନର ଭାବେ ଘୋଷଣା କରିଛି। ଆଇପିଏଲର 13 ତମ ଲିଗ ୟୁଏଇରେ ୧୯ ସେପ୍ଟେମ୍ବରରୁ ୧୦ ନଭେମ୍ବର ପର୍ଯ୍ୟନ୍ତ ଖେଳାଯିବ ଯେଉଁଥିପାଇଁ ସମସ୍ତ ଦଳ ସେଠାରେ ପହଞ୍ଚିଛନ୍ତି। ଆଇପିଏଲ୍ ସଭାପତି ବ୍ରିଜେଶ ପଟେଲ ବିବୃତ୍ତିରେ କହିଛନ୍ତି ଯେ ଆମେ ୨୦୨୦ ରୁ ୨୦୨୨ ପର୍ଯ୍ୟନ୍ତ ଇଣ୍ଡିଆନ୍ ପ୍ରିମିୟର ଲିଗର ଅଫିସିଆଲ୍ ପାର୍ଟନର ଭାବରେ ‘ଅନଏକାଡେମି’କୁ ନିଯୁକ୍ତ କରି ବହୁତ ଖୁସି ଅଛୁ |
Sambad is now on WhatsApp
Join and get latest news updates delivered to you via WhatsApp
ଆଇପିଏଲ ହେଉଛି ଭାରତରେ ସର୍ବାଧିକ ଦେଖାଯାଉଥିବା ଲିଗ୍ ମ୍ୟାଚ ଏବଂ ଆମେ ବିଶ୍ୱାସ କରୁ ଯେ ଏକ ଭାରତୀୟ ଶିକ୍ଷା କମ୍ପାନୀ ଭାବେ, ‘ଅନଏକାଡେମି’ ସକାରାତ୍ମକ ପ୍ରଭାବ ପକାଇପାରେ | ବିଶେଷକରି ଲକ୍ଷ ଲକ୍ଷ ଭାରତୀୟ ଯୁବକମାନେ ଯେଉଁମାନେ ନିଜ କ୍ୟାରିୟର ନିର୍ମାଣ କରିବାକୁ ଚାହୁଁଛନ୍ତି | ତାଙ୍କ ଉପରେ କିଛି ପ୍ରଭାବ ପଡିପାରେ |
ସୂଚନା ଥାଉ କି ଚାଇନାର ମୋବାଇଲ୍ ଫୋନ୍ କମ୍ପାନୀ ଭିଭୋକୁ ବଦଳାଇ ଗେମିଂ ପ୍ଲାଟଫର୍ମ ଡ୍ରିମ୍ ୧୧ ଚଳିତ ବର୍ଷ ଆଇପିଏଲ୍ ର ଟାଇଟଲ୍ ପ୍ରାୟୋଜକ ଭାବରେ ନିଯୁକ୍ତ ହୋଇଥିଲା | ଜୁନ୍ ମାସରେ ଭାରତ ଏବଂ ଚୀନ୍ ସୈନିକଙ୍କ ମଧ୍ୟରେ ସଂଘର୍ଷ ପରେ ଆଇପିଏଲର ପ୍ରାୟୋଜକ ତାଲିକାରୁ ଭିଭୋ ବାଦ ପଡିଥିଲା |