ଭୁବନେଶ୍ୱର: କର୍ଣ୍ଣାଟକର ମାଙ୍ଗାଲୋର ବିଶ୍ୱବିଦ୍ୟାଳୟ ଆନୁକୂଲ୍ୟରେ ଚାଲିଥିବା ସର୍ବଭାରତୀୟ ଅନ୍ତଃବିଶ୍ୱବିଦ୍ୟାଳୟ ନେଟ୍‌ବଲ୍‌ ପ୍ରତିଯୋଗିତାରେ ଉତ୍କଳ ବିଶ୍ୱବିଦ୍ୟାଳୟ ପୁରୁଷ ଦଳ ବିଜୟରୁ ଅଭିଯାନ ଆରମ୍ଭ କରିଛି। ଉତ୍କଳ ଦଳ ନିଜର ପ୍ରଥମ ମ୍ୟାଚ୍‌ରେ ରବିବାର କର୍ଣ୍ଣାଟକର ଦବଙ୍ଗ୍‌ ଗିରି ବିଶ୍ୱବିଦ୍ୟାଳୟକୁ ୨୪-୧୮ ପଏଣ୍ଟ୍‌ରେ ପରାସ୍ତ କରିଛି। ବିଜୟୀ ଉତ୍କଳ ଦଳ ପକ୍ଷରୁ ସତ୍ୟମ ଭୂୟାଁ ୧୩ ଓ ବିକ୍ରାନ୍ତ ସାହୁ ୧୧ ପଏଣ୍ଟ୍‌ କରିଥିଲେ। ଉତ୍କଳ ପୁରୁଷ ଦଳ ପରବର୍ତୀ ମ୍ୟାଚ୍‌ରେ କେରଳ ବିଶ୍ୱବିଦ୍ୟାଳୟକୁ ଭେଟିବ ବୋଲି କ୍ରୀଡ଼ା ପରିଷଦ ନିର୍ଦେଶକ ପ୍ରଫେସର କବୀର ମୋହନ ସେଠୀ ଜଣାଇଛନ୍ତି। ଏହା ପୂର୍ବରୁ ଉତ୍କଳ ମହିଳା ଦଳ ପ୍ରଥମ ଦୁଇଟି ମ୍ୟାଚ୍‌ ଜିତିବା ପରେ ତୃତୀୟ ମ୍ୟାଚ୍‌ାର ଆରତି ଦର୍ଶନ ବିଶ୍ୱବିଦ୍ୟାଳୟ ନିକଟରୁ ୨୦-୨୪ ପଏଣ୍ଟ୍‌ରେ ହାରି ବିଦାୟ ନେଇଛି।