ପୂର୍ବାଞ୍ଚଳ ବିଶ୍ବବିଦ୍ୟାଳୟ ହ୍ୟାଣ୍ଡ୍‌ବଲ୍ ପାଇଁ ଉତ୍କଳ ଦଳ: ଗୌରୀ ଶଙ୍କର ମିଶ୍ର ମୁଖ୍ୟ ପ୍ରଶିକ୍ଷକ

ଭୁବନେଶ୍ବର: ଉତ୍ତରପ୍ରଦେଶର ଜଉନପୁରସ୍ଥିତ ଭିବିଏସ୍‌ ପୂର୍ବାଞ୍ଚଳ ବିଶ୍ବବିଦ୍ୟାଳୟ ପରିସରରେ ‌ମାର୍ଚ୍ଚ ୨ରୁ ୫ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବାକୁ ଥିବା ପୂର୍ବାଞ୍ଚଳ ଅନ୍ତଃବିଶ୍ବବିଦ୍ୟାଳୟ ପୁରୁଷ ହ୍ୟାଣ୍ଡ୍‌ବଲ୍ ପ୍ରତିଯୋଗିତା ଲାଗି ଉତ୍କଳ ବିଶ୍ବବିଦ୍ୟାଳୟ ଦଳ ସୋମବାର ପୁରୁଷୋତ୍ତମ ଏକ୍ସପ୍ରେସ୍‌ରେ ଯାତ୍ରା କରିଛି। ଅଙ୍କିତ ଅରୋଶିଷ ରାଉତ ଅଧିନାୟକ ନିଯୁକ୍ତ ହୋଇଥିବାବେଳେ ଅଭିଜ୍ଞ ଗୌରୀଶଙ୍କର ମିଶ୍ର ମୁଖ୍ୟ ପ୍ରଶିକ୍ଷକ ଦାୟିତ୍ବ ସମ୍ଭାଳିଛନ୍ତି। ଜାତୀୟସ୍ତରର ଖେଳାଳି ସର୍ବେଶ୍ବର ନାଥ ପ୍ରବଂଧକ ନିଯୁକ୍ତ ହୋଇଛନ୍ତି। ଉତ୍କଳ ବିଶ୍ବବିଦ୍ୟାଳୟ ଦଳକୁ କୁଳପତି ପ୍ରଫେସର ସବିତା ଆଚାର୍ଯ୍ୟ, ରେଜିଷ୍ଟ୍ରାର୍‌ ଡକ୍ଟର ଅଭୟ କୁମାର ନାୟକ, କ୍ରୀଡ଼ା ନିର୍ଦ୍ଦେଶକ ଚିନ୍ମୟ ପ୍ରଧାନ ଶୁଭେଚ୍ଛା ଓ ଶୁଭକାମନା ଜଣାଇଛନ୍ତି।

ଉତ୍କଳ ହ୍ୟାଣ୍ଡ୍‌ବଲ୍ ଦଳ: ଅଙ୍କିତ ଅରୋଶିଷ ରାଉତ (ଅଧିନାୟକ), ଶାନ୍ତନୁ ତ୍ରିପାଠୀ, ଅନିଲ କୁମାର ନାୟକ, ସ୍ବାଗତ ସାଗର ସ୍ବାଇଁ, ଅବିନାଶ ତ୍ରିପାଠୀ, ଆଲୋକ କୁମାର ଭୋଇ, ଅକ୍ଷୟ କୁମାର ପୂଝାରୀ, ଶରତ ଜେନା, ସତ୍ୟବ୍ରତ ବାରିକ, ବିଶ୍ବରଂଜନ ପାତ୍ର, ବିଶ୍ବଜିତ୍ ବାଘ, ଅଂଶୁମାନ ଶତପଥୀ।