ନୂଆଦିଲ୍ଲୀ: ଭାରତୀୟ କ୍ରିକେଟ୍ ଦଳର ପୂର୍ବତନ କ୍ରିକେଟର ବିନୋଦ କାମ୍ବଲି ଏବେ ପୁଣି ଚର୍ଚ୍ଚାରେ ଅଛନ୍ତି। ନିକଟରେ ସେ ଏକ ଇଭେଣ୍ଟରେ ତାଙ୍କର ଭଲ ବନ୍ଧୁ ତଥା ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କୁ ଭେଟିଥିଲେ, ଯାହା ପରେ ତାଙ୍କୁ ଦେଖି ଲୋକମାନେ ସୋସିଆଲ ମିଡିଆରେ ଅନେକ ଚର୍ଚ୍ଚା କରିବା ଆରମ୍ଭ କରିଥିଲେ। ଭାଇରାଲ ହେଉଥିବା ଭିଡିଓରେ ତାଙ୍କ ସ୍ୱାସ୍ଥ୍ୟ ଅବସ୍ଥା ଅତ୍ୟନ୍ତ ଖରାପ ଥିବା ଦେଖାଯାଉଥିଲା। କିନ୍ତୁ ଦିନେ ଏଭଳି ଏକ ସମୟ ଥିଲା ଯେତେବେଳେ ତାଙ୍କୁ ସଚିନ ତେନ୍ଦୁଲକରଙ୍କ ସହ ତୁଳନା କରାଯାଇଥିଲା ଏବଂ ସେ ସଚିନଙ୍କ ପରେ ପରବର୍ତ୍ତୀ ଷ୍ଟାର କ୍ରିକେଟର ହେବେ ବୋଲି କୁହାଯାଉଥିଲା ।

Advertisment

ବିନୋଦ କାମ୍ବଲି ନିଜର ଖରାପ ଅଭ୍ୟାସ ଏବଂ ଖେଳ ପ୍ରତି ଅସାବଧାନତା ହେତୁ ଏବେ ହିରୋରୁ ଜିରୋ ପାଲଟି ଯାଇଛନ୍ତି। ଆଜି ତାଙ୍କର ଅବସ୍ଥା ଏପରି ହୋଇଛି ଯେ, ସେ ୫୨ ବର୍ଷ ବୟସରେ ୭୫ବର୍ଷ ବୟସ୍କଙ୍କ ଭଳି ଦେଖାଯାଉଛନ୍ତି। ୧୯୯୧ରେ ଭାରତୀୟ କ୍ରିକେଟ୍ ଦଳରେ ଡେବ୍ୟୁ କରିବା ସମୟରେ ନିଜ ଖେଳ ସହିତ ଲୋକଙ୍କ ହୃଦୟ ଜିତିଥିବା ବିନୋଦ କାମ୍ବଲି ସେହି ଦିନମାନଙ୍କରେ କୋଟି କୋଟି ଟଙ୍କା ରୋଜଗାର କରିଥିଲେ। ଗଣମାଧ୍ୟମ ରିପୋର୍ଟ ଅନୁଯାୟୀ, ଯେତେବେଳେ ବିନୋଦ କାମ୍ବଲି ତାଙ୍କ କ୍ରିକେଟ୍ କ୍ୟାରିୟରର ଶିଖରରେ ଥିଲେ, ସେତେବେଳେ ତାଙ୍କର ସମ୍ପତ୍ତି ୧ରୁ ୧.୫ ମିଲିୟନ୍ ଡଲାର ଥିଲା। କିନ୍ତୁ ୨୦୨୨ମସିହା ବେଳକୁ ସେ ୪ଲକ୍ଷରେ ପହଞ୍ଚିଥିଲେ।

ବିନୋଦ କାମ୍ବଲିଙ୍କ ଅବସ୍ଥା ଏବେ ଆହୁରି ଖରାପ ହୋଇଯାଇଛି। ତାଙ୍କ ଜୀବନ କେବଳ ବିସିସିଆଇ ଦେଉଥିବା ପେନ୍‌ସନ୍‌ରେ ଅତିବାହିତ ହେଉଛି। ବିନୋଦ କାମ୍ବଲି ନିଜେ ଏକ ପୁରୁଣା ସାକ୍ଷାତକାରରେ କହିଥିଲେ ଯେ ତାଙ୍କୁ ବିସିସିଆଇ ତରଫରୁ ମାସିକ ୩୦ହଜାର ଟଙ୍କା ପେନସନ ଦିଆଯାଉଛି, ଯାହା ସାହାଯ୍ୟରେ ସେ ତାଙ୍କ ଘର ଚଳାଉଛନ୍ତି।