ପଣ୍ଟିଂ-ସ୍ମିଥଙ୍କ ରେକର୍ଡ ଭାଙ୍ଗିଲେ ବିରାଟ କୋହଲି
ନାଗପୁର ଟେଷ୍ଟରେ ଭାରତୀୟ ଅଧିନାୟକଙ୍କ ସଫଳତା
ନାଗପୁର: ଟିମ୍ ଇଣ୍ଡିଆର ଅଧିନାୟକ ବିରାଟ କୋହଲି ନାଗପୁର ଟେଷ୍ଟର ୩ୟ ଦିନ ନିଜର ୧୯ତମ ଟେଷ୍ଟ ଶତକ ହାସଲ କରିଛନ୍ତି। ଏହି ଶତକ ସହିତ କୋହଲି ଏ ବର୍ଷ(୨୦୧୭)ରେ ସର୍ବାଧିକ ଟେଷ୍ଟ ଶତକ ହାସଲ କରିଥିବା ବ୍ୟାଟ୍ସମ୍ୟାନ ହୋଇ ପାରିଛନ୍ତି। କୋହଲି ଗୋଟିଏ କ୍ୟାଲେଣ୍ଡର ବର୍ଷରେ ୧୦ଟି ଇଣ୍ଟରନ୍ୟାସନାଲ ଶତକ ହାସଲ କାରିବା ସହିତ ବିଶ୍ୱର ପ୍ରଥମ ଅଧିନାୟକ ହୋଇ ପାରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ବିରାଟ କୋହଲି ଅଷ୍ଟ୍ରେଲିଆର ପୂର୍ବତନ ଅଧିନାୟକ ରିକି ପଣ୍ଟିଂ ଓ ଆଫ୍ରିକାର ପୂର୍ବତନ ଅଧିନାୟକ ଗ୍ରୀମ ସ୍ମିଥଙ୍କ ରେକର୍ଡ ଭଙ୍ଗ କରିଛନ୍ତି। ଅଧିନାୟକ ହିସାବରେ ବିରାଟ କୋହଲି ଗୋଟିଏ ବର୍ଷରେ ୧୦ଟି ଇଣ୍ଟର ନ୍ୟାସନାଲ ଶତକ ହାସଲ କରି ରେକର୍ଡ କରିଛନ୍ତି। ଏହା ପୂର୍ବରୁ ରିକି ପଣ୍ଟିଂ ବର୍ଷ ୨୦୦୫-୦୬ରେ ୯ଟି ଶତକ ହାସଲ କରିଥିଲେ। ସେହିଭଳି ଗ୍ରୀମ ସ୍ମିଥଙ୍କ ନାମରେ ମଧ୍ୟ ଗୋଟିଏ କ୍ୟାଲେଣ୍ଡର ବର୍ଷରେ ଏତିକି ହି ଅନ୍ତର୍ଜାତୀୟ ଶତକ ଥିଲା।