ବିରାଟଙ୍କୁ ନେଇ ସଞ୍ଜୟ ବାଙ୍ଗର ଦେଲେ ବଡ଼ ଅପ୍‌ଡେଟ୍‌: ଆଣ୍ଠୁରେ ଆଘାତ ଲାଗିବା ପରେ...

ନୂଆଦିଲ୍ଲୀ: ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆରସିବି) ଏବଂ ଗୁଜୁରାଟ ଟାଇଟାନ୍ସ ମଧ୍ୟରେ ଚାଲିଥିବା ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍) ମ୍ୟାଚ୍ ସମୟରେ ବିରାଟ କୋହଲିଙ୍କ ଆଣ୍ଠୁରେ ଆଘାତ ଲାଗିଛି। ମାତ୍ର ବିରାଟଙ୍କ ମୁଖ୍ୟ ପ୍ରଶିକ୍ଷକ ସଞ୍ଜୟ ବାଙ୍ଗର ଏ ସଂପର୍କରେ ସୂଚନା ଦେଇ କହିଛନ୍ତି ଯେ ଏହା ଏକ ଚିନ୍ତାଜନକ କଥା ନୁହେଁ। ଗତ ଲିଗ୍ ମ୍ୟାଚରେ ଗୁଜୁରାଟଠାରୁ ୬ଟି ୱିକେଟରେ ହାରିବା ପରେ ଆରସିବି ଆଇପିଏଲରୁ ବାହାରି ଯାଇଛି।

ବିରାଟ ଏକ ଶତକ ସ୍କୋର କରିବା ପରେ ଚମତ୍କାର କ୍ୟାଚ୍ ନେଇ ବିଜୟ ଶଙ୍କରଙ୍କୁ ଆଉଟ୍‌ କରିଥିଲେ, କିନ୍ତୁ ଏହାରି ମଧ୍ୟରେ ତାଙ୍କ ଆଣ୍ଠୁରେ ଆଘାତ ଲାଗିଯାଇଥିଛି। ଫିଜିଓଥେରାଫିଷ୍ଟ୍‌ କୋହଲିଙ୍କୁ ନିକଟକୁ ଆସିଥିଲେ ସତ, କିନ୍ତୁ ସେ ପଡ଼ିଆ ଛାଡି ଶେଷ ପାଞ୍ଚ ଓଭର ଯାଇ ଡଗ୍ଆଉଟରେ ବସିଥିଲେ।

ବିରାଟ କୋହଲିଙ୍କ ଆହତ ହେବା ନେଇ ବଙ୍ଗର  ସାମ୍ବାଦିକ ସମ୍ମିଳନୀରେ କହିଛନ୍ତି କି ‘ହଁ, ତାଙ୍କ ଆଣ୍ଠୁରେ ସାମାନ୍ୟ ଆଘାତ ଲାଗିଛି। କିନ୍ତୁ ଏହା ଗୁରୁତର ନୁହେଁ। କୋହଲି ବର୍ତ୍ତମାନ ଭଲ ଫର୍ମରେ ଅଛନ୍ତି। ସେ ସନରାଇଜର୍ସ ହାଇଦ୍ରାବାଦ ଏବଂ ଗୁଜୁରାଟ ଟାଇଟାନ୍ସ ବିପକ୍ଷରେ କ୍ରମାଗତ ମ୍ୟାଚରେ ଶତକ ହାସଲ କରିଥିଲେ। ସେ ଏପରି ଜଣେ ଖେଳାଳୀ ଯିଏ କେବଳ ବ୍ୟାଟିଂରେ ନୁହେଁ ଫିଲ୍ଡିଂରେ ବି ପାରଙ୍ଗମ।’

ଉଲ୍ଲେଖଯୋଗ୍ୟ,  ଚଳିତ ଆଇପିଏଲ୍‌ର ଗ୍ରୁପ୍ ପର୍ଯ୍ୟାୟ ରବିବାର ଶେଷ ହୋଇଥିବାବେଳେ ବିରାଟ କୋହଲିଙ୍କ ଟ୍ରଫି ଦୁଃସ୍ବପ୍ନ ଧାରା ଜାରି ରହିଛି। ବ୍ୟକ୍ତିଗତ ଭାବେ କୋହଲି ଶତକ ହାସଲ କରିଥିବାବେଳେ ବେଙ୍ଗାଲୁରୁରେ ହିଁ ଆର୍‌ସିବିକୁ ୬ ୱିକେଟ୍‌ରେ ହରାଇ ଦେଇଥିଲା ଗୁଜରାଟ ଟାଇଟନ୍ସ। ଏହି ପରାଜୟ ସହ ମୁମ୍ବାଇ ଇଣ୍ଡିଆନ୍ସର ପ୍ଲେ ଅଫ୍ ପ୍ରବେଶ ମଧ୍ୟ ନିଶ୍ଚିତ ହୋଇଯାଇଥିଲା। ମଙ୍ଗଳବାର କ୍ବାଲିଫାୟାର-୧ରେ ଗୁଜରାଟ ଟାଇ‌ଟନ୍ସ-ଚେନ୍ନାଇ ସୁପରକିଙ୍ଗ୍ସ ଏବଂ ବୁଧବାର ଏଲିମିନେଟରରେ ମୁମ୍ବାଇ ଇଣ୍ଡିଆନ୍ସ-ଲକ୍ଷ୍ନୌ ସୁପର ଜାଏଣ୍ଟସ୍‌ ମୁକାବିଲା ହେବ।