ଏହି କାରଣରୁ ଦକ୍ଷିଣ ଆଫ୍ରିକା ବିପକ୍ଷ ତୃତୀୟ ଟି-୨୦ ମ୍ୟାଚରୁ ବାଦ ପଡ଼ିଲେ ବିରାଟ କୋହଲି ଓ କେଏଲ ରାହୁଲ
ନୂଆଦିଲ୍ଲୀ: ଦକ୍ଷିଣ ଆଫ୍ରିକା ବିପକ୍ଷ ତୃତୀୟ ଟି-୨୦ ମ୍ୟାଚରେ ଭାରତର ପୂର୍ବତନ ଅଧିନାୟକ ବିରାଟ କୋହଲି ଏବଂ ଉପ-ଅଧିନାୟକ କେ.ଏଲ୍ ରାହୁଲଙ୍କୁ ବିଶ୍ରାମ ଦିଆଯାଇଛି। ଟି-୨୦ ବିଶ୍ୱକପ ପୂର୍ବରୁ ଏହା ହେଉଛି ଟିମ୍ ଇଣ୍ଡିଆର ଶେଷ ସିରିଜ୍, ଯାହାର ଶେଷ ମ୍ୟାଚ୍ ଅକ୍ଟୋବର ୪ରେ ଖେଳାଯିବ। ଟି-୨୦ ବିଶ୍ବକପ ଆଉ ମାତ୍ର କିଛି ଦିନ ବାକି ଥିବାରୁ ବିରାଟ କୋହଲି ଏବଂ କେ.ଏଲ୍ ରାହୁଲଙ୍କୁ ଦକ୍ଷିଣ ଆଫ୍ରିକା ବିପକ୍ଷ ତୃତୀୟ ଟି-୨୦ ମ୍ୟାଚରୁ ବାଦ ଦିଆଯାଇଛି। ଏବେ କ୍ରିକେଟ ପ୍ରେମୀ ସିଧାସଳଖ ଅକ୍ଟୋବର ୨୩ରେ ଦୁହିଁଙ୍କୁ ପଡ଼ିଆରେ ଦେଖିପାରିବେ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ବିରାଟ କୋହଲି ଏବଂ କେ.ଏଲ୍ ରାହୁଲଙ୍କ ପରେ ଶ୍ରେୟସ୍ ଆୟରଙ୍କୁ ଦଳରେ ସାମିଲ କରାଯାଇଛି। ଅର୍ଥାତ୍ ତୃତୀୟ ଟି-୨୦ ମ୍ୟାଚରେ ଟିମ୍ ଇଣ୍ଡିଆର ପ୍ଲେ -୧୧ରେ ଏକ ପରିବର୍ତ୍ତନ ଦେଖିବାକୁ ମିଳିପାରେ।| ଦୁଇ ଦଳ ମଧ୍ୟରେ ସିରିଜର ଶେଷ ଟି୨୦ ମ୍ୟାଚ୍ ଇନ୍ଦୋରରେ ଖେଳାଯିବାକୁ ଥିବା ବେଳେ ଏହି ମ୍ୟାଚ୍ ସନ୍ଧ୍ୟା ୭ଟାରୁ ଆରମ୍ଭ ହେବ।
ତିନି ମ୍ୟାଚ୍ ବିଶିଷ୍ଟ ଟି-୨୦ ସିରିଜରେ ଭାରତୀୟ ଦଳ ୨-୦ରେ ଆଗରେ ରହିଛି। ପ୍ରଥମ ଥର ପାଇଁ ଟିମ୍ ଇଣ୍ଡିଆ ଟି-୨୦ ସିରିଜରେ ଦକ୍ଷିଣ ଆଫ୍ରିକାକୁ ପରାସ୍ତ କରିଛି। ବର୍ତ୍ତମାନ ଭାରତ ଏହି ସିରିଜ ଜିତି ସାରିଥିବାରୁ ବିରାଟ କୋହଲିଙ୍କୁ ବିଶ୍ରାମ ଦେବାକୁ ନିଷ୍ପତ୍ତି ନିଆଯାଇଛି।