ବିରାଟ କୋହଲି ଭୁଲ୍ କରିଥିଲେ: ପୂର୍ବତନ କୋଚ୍‌ଙ୍କ ବଡ଼ ଖୁଲାସା

କୋଲକାତା: ପରିସଂଖ୍ୟାନ ଆଧାରରେ ବିରାଟ କୋହଲି ଭାରତୀୟ କ୍ରିକେଟ୍ ଦଳର ସବୁଠାରୁ ସଫଳ ଟେଷ୍ଟ ଅଧିନାୟକ ରହିଛନ୍ତି। ବର୍ତ୍ତମାନ ଟିମ୍ ଇଣ୍ଡିଆର ପୂର୍ବତନ ବ୍ୟାଟିଂ କୋଚ୍ ଥିବା ସଞ୍ଜୟ ବଙ୍ଗର ଏକ ବଡ଼ ବିବୃତି ଦେଇ କହିଛନ୍ତି ବିରାଟ ଅଧିନାୟକତ୍ୱ ଜାରି ରଖି ପାରିଥାନ୍ତେ। ଏପରି କରି ବିରାଟ କୋହଲି ଭୁଲ୍ କରିଥିଲେ।  ୨୦୨୨ ମସିହାରେ ଦକ୍ଷିଣ ଆଫ୍ରିକା ବିପକ୍ଷ ଟେଷ୍ଟ ସିରିଜ୍ ପରେ ବିରାଟ ଟେଷ୍ଟ ଅଧିନାୟକତ୍ୱ ଛାଡିଥିଲେ। ତାଙ୍କ ନେତୃତ୍ବରେ ଭାରତ ବର୍ତ୍ତମାନ ପର୍ଯ୍ୟନ୍ତ ସର୍ବାଧିକ ସଂଖ୍ୟକ ୪୦ ଟେଷ୍ଟ ମ୍ୟାଚ୍ ଜିତିଥିଲା ​।

ଏକ ପୋଡକାଷ୍ଟ ଉପରେ ଆଲୋଚନା ବେଳେ ସଞ୍ଜୟ ବଙ୍ଗର କହିଛନ୍ତି, ମୁଁ ବ୍ୟକ୍ତିଗତ ଭାବେ ଭାବୁଛି ଯେ ବିରାଟ କୋହଲି ଅନ୍ତତଃ ପକ୍ଷେ ଟେଷ୍ଟ ଦଳର ଅଧିନାୟକ ଅଧିକ ଦିନ ସମ୍ଭାଳିବାର ଆବଶ୍ୟକତା ଥିଲା।  ସେ  ୬୫ରୁ ଅଧିକ ଟେଷ୍ଟ ମ୍ୟାଚ୍‌ରେ ଭାରତର ଅଧିନାୟକତ୍ୱ କରିଛନ୍ତି, ମୁଁ ସହମତ ଅଟେ। ମୁଁ ଇଚ୍ଛା କରୁଥିଲି ସେ ଏହା ଜାରି ରଖିଥାନ୍ତେ। 

ସଞ୍ଜୟ ବଙ୍ଗର ନିଜର ମତ ଜାରି କରି କହିଛନ୍ତି ଯେ ବିରାଟ କୋହଲିଙ୍କ ମାନସିକତା ଦଳକୁ ଯଥାସମ୍ଭବ ବିଦେଶରେ ଜିତିବାରେ ସାହାଯ୍ୟ କରିବା କାରଣରୁ ସେହି ସମୟରେ ଭାରତ ଘରୋଇ ପଡ଼ିଆରେ ପ୍ରାଧାନ୍ୟ ବିସ୍ତାର କରିଆସୁଥିଲା। ପୂର୍ବତନ ବ୍ୟାଟିଂ ପ୍ରଶିକ୍ଷକ କହିଛନ୍ତି  ଘରୋଇ ପଡ଼ିଆରେ ଅନୁଷ୍ଠିତ ମ୍ୟାଚ୍‌ରେ ୭୫ ପ୍ରତିଶତରୁ ଅଧିକ ମ୍ୟାଚରେ ଜିତିବ ବୋଲି ଭାରତୀୟ ଦଳ ନିଶ୍ଚିତ ରହୁଥିଲା। ଏହି କାରଣରୁ କୋହଲି ଚାହୁଁଥିଲେ ଯେ ଭାରତ ବିଦେଶୀ ପିଚ୍‌ରେ ଭଲ ପ୍ରଦର୍ଶନ କରୁ।

ଅଧିକ ପଢ଼ନ୍ତୁ:ସନ୍ୟାସ ନେବେ ମାୟାବତୀ !: କହିଲେ ମୋତେ ରାଷ୍ଟ୍ରପତି କରିବା ଗୁଜବ ମଧ୍ୟ ଥିଲା...

ବିରାଟ କୋହଲି ତାଙ୍କ କ୍ୟାରିୟରରେ ୬୮ଟି ଟେଷ୍ଟ ମ୍ୟାଚ୍‌ରେ ଭାରତର ଅଧିନାୟକତ୍ୱ କରିଥିଲେ। ଯେଉଁଥିରୁ ଦଳ ୪୦ ଥର ଜିତିଥିଲା। ବିରାଟ ଭାରତକୁ ଟେଷ୍ଟ କ୍ରିକେଟରେ ସର୍ବାଧିକ ବିଜୟରେ ପହଞ୍ଚାଇବା ସହିତ ଏମଏସ ଧୋନି ଏବଂ ସୌରଭ ଗାଙ୍ଗୁଲିଙ୍କ ତୁଳନାରେ ତାଙ୍କର ବିଜୟ ପ୍ରତିଶତ ବହୁତ ଭଲ ରହିଛି। ୨୦୧୪-୨୦୧୫ ଅଷ୍ଟ୍ରେଲିଆ ଗସ୍ତ ସମୟରେ କୋହଲି ପ୍ରଥମ ଥର ପାଇଁ ଟିମ୍ ଇଣ୍ଡିଆର ନେତୃତ୍ବ ନେଇଥିଲେ। ଏହା ପରେ ସେ ଜଣେ ଅଧିନାୟକ ଭାବରେ ହାରାହାରି ୫୪.୮୦ ହାରରେ ଭାରତ ପାଇଁ ୫,୮୬୪ ରନ୍ ସ୍କୋର କରିଛନ୍ତି।

ଅଧିକ ପଢ଼ନ୍ତୁ:ଆମିର ତୃତୀୟ ବିବାହ କରିବେ !: କଲେ ବଡ଼ ଖୁଲାସା...