ମୁମ୍ବାଇ: ବିବାହର ୬ବର୍ଷ ପରେ ବି କ୍ରିକେଟର ବିରାଟ କୋହଲି ଓ ଅଭିନେତ୍ରୀ ଅନୁଷ୍କା ଶର୍ମାଙ୍କ ମଧ୍ୟରେ ଭଲପାଇବା ପୂର୍ବ ଭଳି ରହିଛି। ଏବେର ବିବାହକୁ ଦେଖିଲେ ମାତ୍ର ୬ମାସ ମଧ୍ୟରେ ବି ବିବାହ ଭାଙ୍ଗିଯାଉଥିବା ଦେଖାଯାଉଛି। ଏମଧ୍ୟରେ ସୁଖ ଦୁଃଖରେ ପରସ୍ପରର ସାଥ୍ ଦେଇ ୬ବର୍ଷ ବିତାଇବା କିଛି ଛୋଟ କଥା ନୁହେଁ। ବିବାହ ପରେ ପରେ ବିରାଟ ଓ ଅନୁଷ୍କାଙ୍କ ଜୀବନରେ ଅନେକ ଝଡ଼ ଆସିଥିଲା। ଅନୁଷ୍କାଙ୍କ ପାଇଁ ବିରାଟ ଭଲ ଭାବରେ ଖେଳିପାରୁନଥିବା କହିଥିଲେ ଲୋକେ। ହେଲେ ସବୁ ପରେ ବି ୬ବର୍ଷ ହେଲାଣି ଅନୁଷ୍କାଙ୍କ ହ‌ାତ ଧରି ଆଗକୁ ବଢ଼ୁଛନ୍ତି ବିରାଟ।

Advertisment

ଦୁହିଁଙ୍କର ଅନେକ ଭିଡିଓ ଅତୀତରେ ଭାଇରାଲ ହୋଇଛି, ଯେଉଁଥିରୁ ଦୁହିଁଙ୍କ ସମ୍ପର୍କ କେତେ ନିବିଡ଼ ତାହା ପ୍ରମାଣ ହୋଇଛି। ଏବେ ଦୁହିଁଙ୍କର ଆଉ ଏକ ଭିଡିଓ ଭାଇରାଲ ‌ହେଉଛି, ଯେଉଁଥିରେ ଦୁହେଁ ନୃତ୍ୟ କରୁଥିବା ଦେଖିବାକୁ ମିଳିଛି। ଭିଡିଓଟି ଅନୁଷ୍କା ନିଜ ଇନଷ୍ଟା ପେଜରେ ସେୟାର କରିଥିବା ବେଳେ ଏବେ ତାହା ଭାଇରାଲ ହୋଇଛି।

ଭାଇରାଲ ଭିଡିଓରେ ଦେଖାଯାଇଛି ଯେ, ଦୁହେଁ ଏକ ପଞ୍ଜାବୀ ଗୀତରେ ନାଚୁଛନ୍ତି। କିଛି ସେକେଣ୍ଡ ନାଚିବା ପରେ ବିରାଟଙ୍କ ପାଦ ମୋଡ଼ି ହୋଇଯିବାରୁ ସେ ନାଚିବା ବନ୍ଦ କରିଦେଉଛନ୍ତି। ଏହି ଭିଡିଓ ସେୟାର କରି ଅନୁଷ୍କା ଲେଖିଛନ୍ତି, ଚାନ୍ସ ପେ ଡାନ୍ସ।