ଦୁବାଇ : ସଂପ୍ରତି ଅଷ୍ଟ୍ରେଲିଆରେ ଚାଲିଥିବା ଟ୍ବେଣ୍ଟି-୨୦ ବିଶ୍ବକପ୍ର ଶ୍ରେଷ୍ଠ ଖେଳାଳି ପୁରସ୍କାର ଲାଗି ଅନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି) ଶୁକ୍ରବାର ମନୋନୀତ ତାଲିକା ଘୋଷଣା କରିଛି। ଏଥିରେ ବିରାଟ କୋହଲି, ସୂର୍ଯ୍ୟକୁମାର ଯାଦବଙ୍କ ସହ ୯ ଜଣ ରହିଛନ୍ତି। ଶ୍ରୀଲଙ୍କାର ୱାନିନ୍ଦୁ ହସରଙ୍ଗା, ପାକିସ୍ତାନର ସଦାବ ଖାନ, ସାହିନ ଶାହ ଆଫ୍ରିଦୀ, ଇଂଲଣ୍ଡର ଜୋସ ବଟଲର, ଆଲେକ୍ସ ହେଲ୍ସ, ସାମ କରନ ଏବଂ ଜିମ୍ବାୱେର ସିକନ୍ଦର ରାଜା ଏହି ଶ୍ରେଷ୍ଠ ଖେଳାଳି ଦୌଡ଼ରେ ରହିଛନ୍ତି। କୋହଲି (୨୯୬) ଓ ସୂର୍ଯ୍ୟକୁମାର (୨୩୯) ଏହି ପ୍ରତିଯୋଗିତାର ଅଗ୍ରଣୀ ରନ୍ ସ୍କୋରର୍। କିନ୍ତୁ ଏମାନଙ୍କ ଶ୍ରେଷ୍ଠ ପ୍ରଦର୍ଶନ ସତ୍ତ୍ବେ ଭାରତ ସେମିଫାଇନାଲ୍ରେ ଇଂଲଣ୍ଡଠୁ ୧୦ ୱିକେଟ୍ରେ ହାରି ବିଦାୟ ନେଇଛି।
Sambad is now on WhatsApp
Join and get latest news updates delivered to you via WhatsApp
ଚଳିତ ଟ୍ବେଣ୍ଟି-୨୦ ବିଶ୍ବକପ୍ରେ ସିକନ୍ଦର ରାଜା ୭ ଥର ମ୍ୟାଚ୍ର ଶ୍ରେଷ୍ଠ ଖେଳାଳି ପୁରସ୍କାର ପାଇଥିଲେ। ହେଲେ ତାଙ୍କ ଦଳ ସୁପର ୧୨ ପର୍ଯ୍ୟାୟରୁ ବିଦାୟ ନେଇଥିଲା। ହସରଙ୍ଗା ଚଳିତ ପ୍ରତିଯୋଗିତାରେ ୮ ମ୍ୟାଚ୍ ଖେଳି ୬.୪୧ ଇକୋନୋମିରେ ୧୫ ୱିକେଟ୍ ଅକ୍ତିଆର କରିଛନ୍ତି। ଇଂଲଣ୍ଡ ଦ୍ରୁତ ବୋଲର ସାମ୍ କରନ ଦେଶର ପ୍ରଥମ ଖେଳାଳିଭାବେ ଟ୍ବେଣ୍ଟି-୨୦ ଅନ୍ତର୍ଜାତୀୟ ମ୍ୟାଚ୍ରେ ୫ ୱିକେଟ୍ ଅକ୍ତିଆର କରିଛନ୍ତି। ସଦାବ ଖାନ୍ ନିକଟରେ ପାକିସ୍ତାନର ସର୍ବାଧିକ ଟ୍ବେଣ୍ଟି-୨୦ ୱିକେଟ୍ ହାସଲକାରୀ ସାହିଦ ଆଫ୍ରିଦୀ (୯୮) ଙ୍କ ସମକକ୍ଷ ହୋଇଥିଲେ। ବାମହାତୀ ବୋଲର ସାହିନ ଆଫ୍ରିଦୀ ମଧ୍ୟ ନିଜର ଶ୍ରେଷ୍ଠ ପ୍ରଦର୍ଶନ ଦେଇଛନ୍ତି।