ସୋସିଆଲ ମିଡିଆରେ ପ୍ରଶଂସା ସାଉଁଟୁଛି ପରିବାର ସହ କୋହଲିଙ୍କ ଏହି ନିଆରା ଫଟୋ
ମୁମ୍ବାଇ: ପୂର୍ବତନ ଭାରତୀୟ କ୍ରିକେଟ୍ ଅଧିନାୟକ ବିରାଟ କୋହଲି ଖେଳକୁ ଯେତିକି ପ୍ରାଧାନ୍ୟ ଦିଅନ୍ତି ତା’ ସହିତ ତାଙ୍କ ପରିବାରକୁ ମଧ୍ୟ ସେତିକି ଧ୍ୟାନ ଦିଅନ୍ତି । ଖେଳରୁ ସମୟ ବାହାର କରି ସେ ନିଜ ପରିବାର ସହିତ ସମୟ ବିତାନ୍ତି ଯାହାର ଜ୍ବଳନ୍ତ ଉଦାହରଣ ଏହି ଫଟୋ । ଯାହାକୁ ନେଇ ଆଗରୁ ତାଙ୍କର ଅନେକ ଭିଡିଓ ଏବଂ ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି । ସବୁଥରପରି ଏହି ଫଟୋଗୁଡ଼ିକରେ, ପରିବାର ସହିତ ବିରାଟଙ୍କ ଉପସ୍ଥିତି ତାଙ୍କୁ ନିଜର ପାରିବାରିକ କର୍ତ୍ତବ୍ୟପଣକୁ ପ୍ରକାଶ କରୁଛି । ତାଙ୍କ ପତ୍ନୀ ଅନୁଷ୍କା ଶର୍ମା ଏବଂ ଝିଅ ବାମିକା। ମିଶି ପ୍ରକୃତି କୋଳରେ ଏକ ସୁନ୍ଦର ସମୟ ଅତିବାହିତ କରୁଛନ୍ତି।
Rabba bakshiyan tu enniyan meherbaniyan, hor terto kuch ni mangda, bas tera shukar ada kardan 🙏🙇🏻♂️❤️ pic.twitter.com/FuOGkjkBYD
— Virat Kohli (@imVkohli) January 9, 2023
ନିକଟରେ ବିରାଟ କୋହଲିଙ୍କ ଏହି ଫଟୋ ଭାଇରାଲ ହେବାରେ ଲାଗିଛି। ଫଟୋରେ ବିରାଟ କୋହଲି ଏବଂ ଅନୁଷ୍କା ଶର୍ମା ନିଜ ଝିଅ ସହିତ ସମୁଦ୍ର କୂଳରେ ବୁଲୁଥିବା ଦେଖିବାକୁ ମିଳୁଛି । ତାଙ୍କ ଝିଅ ବାମିକା ମଝିରେ ଠିଆ ହୋଇଛନ୍ତି । ବାପା ବିରାଟ ଏବଂ ମାଆ ଅନୁଷ୍କା ହାତ ଧରିଛନ୍ତି । ସୋସିଆଲ ମିଡିଆରେ ଲୋକମାନେ ଏହି ଫଟୋକୁ ବହୁତ ପସନ୍ଦ କରୁଛନ୍ତି । ଫଟୋଟିକୁ ବିରାଟ କୋହଲି ଇନଷ୍ଟାଗ୍ରାମ ଏବଂ ଟ୍ୱିଟରରେ ସେୟାର କରିଛନ୍ତି । ଭାଇରାଲ ହେଉଥିବା ଏହି ଫଟୋ ଉପରେ କୋହଲି ଏକ କ୍ୟାପସନ ଲେଖିଛନ୍ତି । କ୍ୟାପସନରେ ସେ ଭଗବାନଙ୍କୁ ଧନ୍ୟବାଦ ଦେଇଛନ୍ତି । ଏପର୍ଯ୍ୟନ୍ତ, ୮୦ ହଜାରରୁ ଅଧିକ ଲୋକ ଲାଇକ୍ କରିଛନ୍ତି । ଏହାସହ ଫଟୋରେ ହଜାର ହଜାର ଲୋକ ମନ୍ତବ୍ୟ ଦେଇଥିବା ଦେଖିବାକୁ ମିଳିଛି । ସୋସିଆଲ ମିଡିଆରେ ଏହି ଫଟୋକୁ ନେଇ ତାଙ୍କର ପ୍ରଶଂସକମାନେ ନିଜର ଅନେକ ଲୋଙ୍କ ପ୍ରତିକ୍ରିୟା ଦେଇଥିବା ଦେଖିବାକୁ ମିଳିଛି ।