ନୂଆଦିଲ୍ଲୀ: ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୩( ଆଇପିଏଲ୍ ୨୦୨୩)ରେ ଏପର୍ଯ୍ୟନ୍ତ ମୋଟ ୩୪ଟି ମ୍ୟାଚ୍ ଖେଳାଯାଇଛି । ଏହି ମ୍ୟାଚଗୁଡିକରେ ପ୍ରଶଂସକମାନଙ୍କୁ ଗୋଟିଏ ପରେ ଗୋଟିଏ ରୋମାଞ୍ଚକର ମ୍ୟାଚ୍ ଦେଖିବାକୁ ମିଳିଥିଲା ।

Advertisment

ବିରାଟ କୋହଲି ଗତ ଦୁଇଟି ମ୍ୟାଚ୍ ପାଇଁ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ଅଧିନାୟକ ରହିଛନ୍ତି। ଏହି ଦୁଇଟି ମ୍ୟାଚରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ଦଳ ଜିତିଛି । କିନ୍ତୁ ଏହି ସମୟ ବିରାଟ କୋହଲି ଏକ ବଡ଼ ଭୁଲ କରି ଦେଇଛନ୍ତି, ଯେଉଁଥିପାଇଁ ତାଙ୍କ ଉପରେ  ବ୍ୟାନ୍ ହେବାର ଆଶଙ୍କା ଅଧିକ ରହିଛି ବୋଲି କୁହାଯାଉଛି।

ନିକଟରେ ବିରାଟ କୋହଲିଙ୍କ ଅଧିନାୟକତ୍ୱରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ରାଜସ୍ଥାନ ରୟାଲ୍ସକୁ ପରାସ୍ତ କରିଥିଲା । କିନ୍ତୁ ଏହି ସମୟରେ ଦଳ ନିର୍ଦ୍ଧାରିତ ସମୟରେ ଓଭର ପୂରଣ କରିପାରି ନଥିଲା । ଏହି କାରଣରୁ ବିରାଟ କୋହଲିଙ୍କୁ ୨୪ ଲକ୍ଷ ଟଙ୍କା ଜରିମାନା କରାଯାଇଛି । ଏହା ଦ୍ୱିତୀୟ ଥର ଯେତେବେଳେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ଅଧିନାୟକଙ୍କୁ ମନ୍ଥର ଗତି ଯୋଗୁଁ ଜରିମାନା କରାଯାଇଛି । ଏଭଳି ପରିସ୍ଥିତିରେ ଯଦି ବିରାଟ କୋହଲିଙ୍କ ଅଧିନାୟକତ୍ୱରେ ଆରସିବି ପୁଣି ଥରେ ଏପରି ଭୁଲ କରେ, ତେବେ ତାଙ୍କୁ ଗୋଟିଏ ମ୍ୟାଚ୍ ପାଇଁ ବ୍ୟାନ୍ କରାଯାଇପାରେ ବୋଲି ନିୟମ ରହିଛି ବୋଲି କୁହାଯାଉଛି।

ଏହାପୂର୍ବରୁ ଫାଫ୍ ଡୁପ୍ଲେସିଙ୍କୁ ସ୍ଲୋ ଓଭର ରେଟ୍ ପାଇଁ ୧୨ ଲକ୍ଷ ଟଙ୍କା ଜରିମାନା କରାଯାଇଥିଲା ।