ରାଜ ଖୋଲିଲେ ସେହ୍ଵାଗ: କ୍ରିକେଟ ସହ ଏହି ସବୁ କାମ କରିବାରେ ଓସ୍ତାଦ ଭାରତୀୟ କ୍ରିକେଟର
ନୂଆଦିଲ୍ଲୀ : ନିଜର ମନ ଖୋଲା ଗୁଣ ପାଇଁ ପରିଚିତ କ୍ରିକେଟର ବିରେନ୍ଦ୍ର ସେହ୍ଵାଗ ଗୁରୁବାର ନିଜ ସାଥୀ ଖେଳାଳିମାନଙ୍କର ଅନେକ ବଡ଼ ବଡ଼ ରାଜ ଖୋଲିଥିଲେ । କ୍ରିକେଟ ବ୍ୟତୀତ ଭାରତୀୟ କ୍ରିକେଟରମାନେ ଆଉ କେଉଁ କାମ ଭଲ ଭାବରେ କରି ନିଅନ୍ତି ସେ ବିଷୟରେ ଜଣାଇଥିଲେ ସେହ୍ଵାଗ ।
Sambad is now on WhatsApp
Join and get latest news updates delivered to you via WhatsApp
ପ୍ରଥମ ପ୍ରଶ୍ନରେ ସେଲ୍ଫି ନେବା ପାଇଁ କେଉଁ କ୍ରିକେଟର ପସନ୍ଦ କରନ୍ତି ବୋଲି ପଚରାଯିବା ପରେ ବିରାଟ କୋହଲୀଙ୍କ ନାଁ ନେଇଥିଲେ ସେହ୍ଵାଗ । ସବୁଠାରୁ ଭଲ କେଉଁ କ୍ରିକେଟର ନାଚି ପାରନ୍ତି ବୋଲି ପଚରାଯିବା ପରେ ସେ ନିଜ ସାଥୀ ଖେଳାଳୀ ସଚ୍ଚିନ ତେନ୍ଦୁଲକରଙ୍କ ନାଁ ନେଇଥିଲେ । ଏହା ସହ ଭଲ ରୋଷେଇ କିଏ କରନ୍ତି ବୋଲି ପଚରାଯିବା ପରେ ମଧ୍ୟ ସଚ୍ଚିନଙ୍କ ନାଁ ନେଇଥିଲେ ସେଓ୍ଵାଗ । ଖେଳାଳୀମାନଙ୍କ ମଧ୍ୟରୁ ସବୁଠାରୁ ଭଲ ଗୀତ କିଏ ଗାଏ ବୋଲି ପ୍ରଶ୍ନ କରାଯିବା ପରେ ସୁରେଶ ରୈନାଙ୍କା ନାଁ କହିଥିଲେ ବିରେନ୍ଦ୍ର ସେଓ୍ଵାଗ ।
Watch @virendersehwag dish the dirt on some of his former teammates and legends of the game ? #CWC19 pic.twitter.com/UeFXM9LRMn
— ICC (@ICC) June 20, 2019
ଡ୍ରେସିଙ୍ଗ ରୁମ୍ରେ କ୍ରିକେଟରମାନେ କାହାକୁ ଅଧିକ ଡ଼ରନ୍ତି ବୋଲି ପ୍ରଶ୍ନ କରାଯିବା ପରେ ଅନୀଲ କୁମ୍ବଲେଙ୍କ ନାଁ ନେଇଥିଲେ ସେହ୍ଵାଗ । ପଡ଼ିଆ ଭିତରେ ଅନୀଲ କୁମ୍ବଲେ ସବୁବେଳେ ଖେଳାଳୀମାନଙ୍କୁ ରାଗିଥାନ୍ତି । ଯାହାର ଡ଼ର ଡ୍ରେସିଙ୍ଗ ରୁମ୍ ଭିତରେ ମଧ୍ୟ ରହିଥାଏ ବୋଲି ସେଓ୍ଵାଗ କହିଥିଲେ । କେଉଁ କ୍ରିକେଟର ସବୁବେଳେ ମଜା କଥା କହିଥାନ୍ତି ବୋଲି ପ୍ରଶ୍ନ କରାଯିବା ପରେ ହଜଭଜନ ସିଂହ ଏବଂ ଯୁବରାଜ ସିଂହଙ୍କ ନାଁ କହିଥିଲେ ସେଓ୍ଵାଗ ।