ସେନେଗାଲକୁ ୧-୦ରେ ପରାସ୍ତ କରି ନକଆଉଟରେ କଲମ୍ବିଆ

ମସ୍କୋ : ବିଶ୍ୱକପର ଗ୍ରୁପ ଏଫ ମ୍ୟାଚରେ କଲମ୍ବିଆ ସେନେଗାଲକୁ ୧-୦ ଗୋଲରେ ପରାସ୍ତ କରି ନିଜର ଗ୍ରୁପର ପ୍ରଥମ ସ୍ଥାନରେ ରହି ନକଆଉଟ ପର୍ଯ୍ୟାୟକୁ ଯାଇଛି । କଲମ୍ବିଆ ପକ୍ଷରୁ ମିନା ମ୍ୟାଚର ଏକମାତ୍ର ଗୋଲ କରିଥିଲେ । ଏହି ଗ୍ରୁପର ଆଉ ଏକ ମ୍ୟାଚରେ ଜାପାନ ପୋଲାଣ୍ଡଠାରୁ ୧-୦ ଗୋଲରେ ପରାସ୍ତ ହୋଇଥିଲେ ମଧ୍ୟ କ୍ୱାଲିଫାଇ କରିଯାଇଛି । ପୋଲାଣ୍ଡ ତରଫରୁ ବେଡନାରେକ ଗୋଲ କରିଥିଲେ । ତେବେ ପୋଲାଣ୍ଡ ପୂର୍ବରୁ ହିଁ ବିଶ୍ୱକପରୁ ବାଦ ପଡିସାରିଛି । ଗ୍ରୁପ-ଏଫରେ କଲମ୍ବିଆ ପ୍ରଥମ ସ୍ଥାନରେ ଥିବାବେଳେ ଜାପାନ ୨ୟ ସ୍ଥାନରେ ରହିଛି । ଫେୟାର ପ୍ଲେ ନିୟମ ଅନୁସାରେ ସେନେଗାଲ ଜାପାନ ତଳେ ରହିଛି ।