ବିଶ୍ୱକପ୍: ରୋହିତ ଶର୍ମାଙ୍କ ଶତକ, ଟିମ୍ ଇଣ୍ଡିଆର ବ୍ୟାଟିଂ ଜାରି, ସ୍କୋର ୧୮୮/୨
ବର୍ମିିଂହାମ: ଇଂଲଣ୍ଡ ବିପକ୍ଷରେ ଟିମ୍ ଇଣ୍ଡିଆର ଓପନର ରୋହିତ ଶର୍ମା ଶତକ ହାସଲ କରିଛନ୍ତି। ରୋହିତ ୧୦୬ଟି ବଲ ଖେଳି ୧୫ଟି ଚୌକା ସହାୟତାରେ ଏହି ରନ୍ କରିଛନ୍ତି। ଆଇସିସି (ଅନ୍ତର୍ଜାତୀୟ କ୍ରିକେଟ୍ ପରିଷଦ) ବିଶ୍ୱକପ୍ର ୩୮ତମ ମ୍ୟାଚରେ ରବିବାର ଭାରତ ୩୩୮ ରନ୍ ବିଜୟ ଲକ୍ଷ୍ୟ ନେଇ ବ୍ୟାଟିଂ ଆରମ୍ଭ କରିଛି। ରିପୋର୍ଟ ଲେଖାଯିବା ବେଳକୁ ଭାରତ ୩୫ ଓଭରରେ ୨ଟି ଓ୍ଵିକେଟ ହରାଇ ୧୮୮ ରନ୍ କରିଛି। ଅଧିନାୟକ ଋଷଭ ପନ୍ତ ଓ ରୋହିତ ଶର୍ମା କ୍ରିଜ୍ରେ ଅଛନ୍ତି।
Sambad is now on WhatsApp
Join and get latest news updates delivered to you via WhatsApp
ଇନିଂସ ଆରମ୍ଭରୁ ଟିମ୍ ଇଣ୍ଡିଆକୁ ଝଟକା ଲାଗିଥିଲା। ଟିମ୍ ୮ ରନ୍ରେ ଲୋକେଶ ରାହୁଲ (୦ରନ୍)ଙ୍କୁ ହରାଇଥିଲା। କ୍ରିସ୍ ଓ୍ଵକସ୍ଙ୍କ ବଲରେ ରାହୁଲ ଆଉଟ ହୋଇଥିଲେ। ପ୍ରଥମ ଇନିଂସରେ ଇଂଲଣ୍ଡ ନିର୍ଦ୍ଧାରିତ ୫୦ ଓଭରରେ ୭ଟି ଓ୍ଵିକେଟ୍ ହରାଇ ୩୩୭ ରନ୍ କରିଥିଲା। ଅଧିନାୟକ ବିରାଟ କୋହଲି (୬୬ ରନ୍, ୭୬ ବଲ, ୭ ଚୌକା) ୨ୟ ଓ୍ଵିକେଟରେ ରୋହିତ ଶର୍ମାଙ୍କ ସହିତ ଶତକୀୟ ଭାଗିଦାରୀ (୧୩୮ ରନ୍) ହୋଇପାରିଥିଲେ। ଲିଆମ ପ୍ଲଙ୍କେତଙ୍କ ବଲ ଜେମସ୍ ଭିନସ୍ଙ୍କୁ କ୍ୟାଚ୍ ଦେଇ କୋହଲି ଆଉଟ୍ ହୋଇଥିଲେ।
ଭାରତ ପକ୍ଷରୁ ମହମ୍ମଦ ସାମି ୫ଟି ଓ୍ଵିକେଟ୍ ନେଇଥିଲେ। ସେ ୧୦ ଓଭର ବୋଲିଂ କରି ୬୯ ରନ୍ ଦେଇଥିଲେ। କୁଲଦୀପ ଯାଦବ ଓ ଯଶପ୍ରୀତ ବୁମରାଙ୍କୁ ଗୋଟିଏ ଲେଖାଏଁ ଓ୍ଵିକେଟ୍ ମିଳିଥିଲା।