ଅବସର ସଂପର୍କରେ କଣ କହିଲେ ଧୋନୀ ?

ଅହମ୍ମଦାବାଦ : ରବିବାର ଇଣ୍ଡିଆନ୍ ପ୍ରିମିୟର ଲିଗରେ, ଚେନ୍ନାଇ ସୁପର କିଙ୍ଗସ୍ ନିଜର ଶେଷ ଲିଗ୍ ମ୍ୟାଚରେ ୮୩ ରନରେ ବିଜୟୀ ହୋଇଛି । ଏଥର ଆଇପିଏଲରେ ଚେନ୍ନାଇର ଦଳ ୧୪ଟି ମ୍ୟାଚ୍ ରୁ ମାତ୍ର ୪ଟି ଜିତି ଦଶମ ସ୍ଥାନରେ ଅଛି। ଏବଂ ଏହା  ଆଇପିଏଲ ଇତିହାସରେ ସିଏସକେର ସବୁଠାରୁ ଖରାପ ପ୍ରଦର୍ଶନ। ଏଥର ଆଇପିଏଲରେ ଚେନ୍ନାଇ ଅଧିନାୟକ ଏମଏସ ଧୋନିଙ୍କ ଅବସର ବିଷୟରେ ବହୁତ ଆଲୋଚନା ହୋଇଥିଲା। ଏପରିକି ପୂର୍ବତନ କ୍ରିକେଟିୟରମାନେ ଧୋନୀଙ୍କୁ ଅବସର ନେବାକୁ ସଂକେତ ଦେଉଥିବା ଦେଖାଯାଇଥିଲା । ପୁଣି ପ୍ରସଂଶକମାନେ ବି ଧୋନୀ କାହିଁକି ଅବସର ନେଉନାହାନ୍ତି ତାହାକୁ ନେଇ ଆଶ୍ଚର୍ଯ୍ୟ ହେଉଛନ୍ତି । କିନ୍ତୁ ଏବେ ଧୋନି ନିଜେ ସ୍ପଷ୍ଟ କରିଛନ୍ତି ଯେ ସେ ଏହି ସମ୍ପର୍କରେ କୌଣସି ନିଷ୍ପତ୍ତି ନେବା ପୂର୍ବରୁ ସମୟ ନେବେ।

ସେ କହିଛନ୍ତି, ମୁଁ ପୁଣିଥରେ ଏହି କଥାକୁ ଦୋହରାଇବି। ଏ ବିଷୟରେ ନିଷ୍ପତ୍ତି ନେବା ପାଇଁ ମୋ ପାଖରେ ୪-୫ ମାସ ଅଛି। ନିଷ୍ପତ୍ତି ନେବାରେ କୌଣସି ଶୀଘ୍ରତା ନାହିଁ। ସେ କହିଥିଲେ, 'ଶରୀରକୁ ଫିଟ୍ ରଖିବା ପାଇଁ ପ୍ରତିବର୍ଷ ୧୫ ପ୍ରତିଶତ ଅଧିକ ପ୍ରୟାସ ଆବଶ୍ୟକ।' ଆମେ ଭୁଲିବା ଉଚିତ ଯେ ଏହା ଉଚ୍ଚସ୍ତରୀୟ କ୍ରିକେଟ। ଏହା ପେସାଦାର କ୍ରିକେଟ୍ ଏବଂ ଆପଣଙ୍କୁ ଆପଣଙ୍କର ସର୍ବୋତ୍ତମ ଦେବାକୁ ପଡିବ।