ରବି ଶାସ୍ତ୍ରୀଙ୍କୁ ନେଇ ପଚରାଯାଇଥିବା ପ୍ରଶ୍ନର ଏଭଳି ଉତ୍ତର ଦେଇ ଚର୍ଚ୍ଚାରେ ଦାଦା; ଜାଣନ୍ତୁ କେଉଁ ପ୍ରସଙ୍ଗରେ ବ୍ୟବହାର କଲେ ‘ନିର୍ବୋଧତା’ ଶବ୍ଦ
ନୂଆଦିଲ୍ଲୀ : ଖୁବ୍ ଶୀଘ୍ର ବିସିସିଆଇ ସଭାପତି ପଦର ଦାୟିତ୍ୱ ଭାର ତୁଲାଇବାକୁ ଯାଉଥିବା ପୂର୍ବତନ କ୍ରିକେଟର ସୌରଭ ଗାଙ୍ଗୁଲି ବରିଷ୍ଠ କ୍ରିକେଟ୍ କୋଚ୍ ରବି ଶାସ୍ତ୍ରୀଙ୍କୁ ନେଇ ମଜାଦାର ପ୍ରତିକ୍ରିୟା ଦେଇଛନ୍ତି । ଏକ ସାମ୍ବାଦିକ ସମ୍ମିଳନୀରେ ରବି ଶାସ୍ତ୍ରୀଙ୍କୁ ନେଇ ଏକ ପ୍ରଶ୍ନ କରାଯିବା ପରେ ଏବେ ସେ ପୁଣି କ’ଣ କଲେ? ବୋଲି ଉତ୍ତର ଦେଇ ଚର୍ଚ୍ଚାରେ ରହିଛନ୍ତି ପୂର୍ବତନ କ୍ରିକେଟର ସୌରଭ ଗାଙ୍ଗୁଲି ।
Sambad is now on WhatsApp
Join and get latest news updates delivered to you via WhatsApp
ଅକ୍ଟୋବର ୨୩ରେ ସେ ବିସିସିଆଇର ସଭାପତି ଭାବେ ନିଯୁକ୍ତ ହେବାକୁ ଥିବା ବେଳେ ସାମ୍ବାଦିକ ସମ୍ମିଳନୀରେ, ଆପଣ ରବି ଶାସ୍ତ୍ରୀଙ୍କ ସହ କଥା ହୋଇଛନ୍ତି କି? ବୋଲି ଜଣେ ସାମ୍ବାଦିକ ତାଙ୍କୁ ପ୍ରଶ୍ନ କରିଥିଲେ । ଏହାର ଉତ୍ତରରେ, ଏବେ ପୁଣି ସେ କ’ଣ କଲେ? ବୋଲି କହିଥିଲେ ଭାରତୀୟ କ୍ରିକେଟର ପୂର୍ବତନ ଅଧିନାୟକ ସୌରଭ ଗାଙ୍ଗୁଲି । ତାଙ୍କର ଏଭଳି ଉତ୍ତର ସମସ୍ତଙ୍କୁ ହସାଇଥିବା ବେଳେ ତାଙ୍କ ପ୍ରତିକ୍ରିୟାଟି ଚର୍ଚ୍ଚା ବିଷୟ ପାଲଟିଛି ।
ସୂଚନା ମୁତାବକ, କୋଚ୍ ରବି ଶାସ୍ତ୍ରୀ ଓ ସୌରଭ ଗାଙ୍ଗୁଲି ମଧ୍ୟରେ ୨୦୧୬ରୁ ମତଭେଦ ଆରମ୍ଭ ହୋଇଥିଲା । ଭାରତୀୟ କୋଚ୍ ଚୟନକୁ ନେଇ ଦୁହିଁଙ୍କ ମଧ୍ୟରେ ମତଭେଦ ଦେଖା ଯାଇଥିଲା । ୨୦୧୬ରେ ଅନୀଲ କୁମ୍ବଲେଙ୍କୁ କୋଚ୍ ପଦ ମିଳିବା ପରେ ଏହା ପଛରେ ସୌରଭ ଗାଙ୍ଗୁଲିଙ୍କ ହାତ ଥିବା ଭାବି ରବି ଶାସ୍ତ୍ରୀ ସୌରଭ ଗାଙ୍ଗୁଲିଙ୍କଠାରୁ ଦୂରେଇ ଯାଇଥିଲେ । ଏ ନେଇ ଗାଙ୍ଗୁଲିଙ୍କୁ ପ୍ରଶ୍ନ ପଚରାଯାଇଥିବା ବେଳେ ସେ କହିଥିଲେ, ଯଦି ଶାସ୍ତ୍ରୀ ଭାବୁଛନ୍ତି କି ମୁଁ ଅନୀଲ କୁମ୍ବଲେଙ୍କୁ ଭାରତୀୟ କୋଚ୍ ବନିବାରେ ସାହାଯ୍ୟ ବା ସମର୍ଥନ କରୁଛି, ତେବେ ଏହା ତାଙ୍କର ନିର୍ବୋଧତା ।