ଏହି ୯ ଜଣ ଖେଳାଳିଙ୍କ ମଧ୍ୟରୁ କିଏ ହେବ ପ୍ଲେୟାର ଅଫ୍ ଟୁର୍ଣ୍ଣାମେଣ୍ଟ, ତାଲିକାରେ ଦୁଇ ଭାରତୀୟ ଖେଳାଳି
ନୂଆଦିଲ୍ଲୀ: ସେମିଫାଇନାଲ ମ୍ୟାଚରେ ଇଂଲଣ୍ଡଠାରୁ ଭାରତର ଲଜ୍ଜାଜନକ ପରାଜୟ ପରେ ଭାରତର ଟି-୨୦ ବିଶ୍ବକପ୍ ଅଭିଯାନ ଯଦିଓ ଶେଷ ହୋଇଯାଇଛି, କିନ୍ତୁ ଦୁଇ ଭାରତୀୟ ଖେଳାଳିଙ୍କୁ ପ୍ଲେୟାର ଅଫ୍ ଟୁର୍ନାମେଣ୍ଟ ପାଇଁ ଆଇସିସି ତାଲିକାରେ ରଖିଛି | ଆଇସିସି ୯ଜଣ ଖେଳାଳିଙ୍କ ତାଲିକା ପ୍ରକାଶ କରିଛି ଯେଉଁମାନଙ୍କ ମଧ୍ୟରୁ ଜଣେ ପ୍ଲେୟାର ଅଫ୍ ଟୁର୍ନାମେଣ୍ଟ ହୋଇପାରନ୍ତି | ଏହି ତାଲିକାରେ ଦୁଇ ଭାରତୀୟ ଖେଳାଳି ବିରାଟ କୋହଲି ଏବଂ ସୂର୍ଯ୍ୟକୁମାର ଯାଦବ ସ୍ଥାନ ପାଇଛନ୍ତି। ଏଥି ସହିତ ପାକିସ୍ତାନର ଦୁଇ ଖେଳାଳି ମଧ୍ୟ ଏହି ତାଲିକାରେ ସ୍ଥାନ ପାଇଛନ୍ତି। ଏହା ବ୍ୟତୀତ ଇଂଲଣ୍ଡର ତିନିଜଣ ଖେଳାଳି, ଜିମ୍ବାୱେ ଏବଂ ଶ୍ରୀଲଙ୍କାର ଜଣେ ଖେଳାଳି ଏହି ତାଲିକାରେ ସ୍ଥାନ ପାଇଛନ୍ତି। ଆଇସିସି ଟି -୨୦ ବିଶ୍ୱକପ ୨୦୨୨ର ଅନ୍ତିମ ମ୍ୟାଚ୍ ନଭେମ୍ବର ୧୩ ରେ ମେଲବର୍ଣ୍ଣ କ୍ରିକେଟ୍ ଗ୍ରାଉଣ୍ଡରେ ଖେଳାଯିବ ଏବଂ ଏହା ପରେ ପ୍ଲେୟାର ଅଫ୍ ଟୁର୍ନାମେଣ୍ଟ ଖେଳାଳିଙ୍କ ନାମ ମଧ୍ୟ ଘୋଷଣା କରାଯିବ।
Sambad is now on WhatsApp
Join and get latest news updates delivered to you via WhatsApp
୯ ଜଣିଆ କମିଟି ଏହି ୯ଜଣ ଖେଳାଳିଙ୍କୁ ତାଲିକାଭୁକ୍ତ କରିଛନ୍ତି । ଟି-୨୦ ବିଶ୍ୱକପ ୨୦୨୨ରେ ସେମାନଙ୍କର ପ୍ରଦର୍ଶନର ଆଧାର ଅନୁସାରେ ଏମାନଙ୍କ ନାମକୁ ସାମିଲ କରାଯାଇଥିବାବେଳେ ବର୍ତ୍ତମାନ ଯେଉଁ ଖେଳାଳିଙ୍କୁ ଅଧିକ ସଂଖ୍ୟକ ପ୍ରଶଂସକ ସମର୍ଥନ କରିବେ, ସେ ପ୍ଲେୟାର ଅଫ୍ ଟୁର୍ନାମେଣ୍ଟ ଭାବରେ ମନୋନୀତ ହେବେ | ତେବେ ପାଞ୍ଚଟି ଅର୍ଦ୍ଧଶତକ ଆଧାରରେ ୬ଟି ଇନିଂସରେ ୨୯୬ ରନ୍ ସଂଗ୍ରହ କରିଥିବା ବିରାଟ କୋହଲି ଏହି ତାଲିକାର ଶୀର୍ଷରେ ଅଛନ୍ତି। ବିରାଟ କୋହଲି ୧୩୬.୪୦ ଷ୍ଟ୍ରାଇକ ରେଟ ଏବଂ ହାରାହାରି ୯୮.୬୬ ହାରରେ ଏହି ରନ୍ ସ୍କୋର କରିଛନ୍ତି। ବିରାଟ ପାକିସ୍ତାନ ବିପକ୍ଷରେ ୮୨ ରନ କରିଥିଲେ | ଏହି ତାଲିକାରେ ସୂର୍ଯ୍ୟକୁମାର ଯାଦବ ଦ୍ୱିତୀୟ ସ୍ଥାନରେ ଅଛନ୍ତି।