ଧୋନିଙ୍କ ପରେ କିଏ ହେବ ସିଏସକେର ଉତ୍ତରାଧିକାରୀ ?

ନୂଆଦିଲ୍ଲୀ: ସିଏସକେ (ଚେନ୍ନାଇ ସୁପର କିଙ୍ଗ୍ସ) ର ପରବର୍ତ୍ତୀ ଉତ୍ତରାଧିକାରୀ କିଏ ହେବେ?  କିଏ ମହେନ୍ଦ୍ର ସିଂହ ଧୋନିଙ୍କ ପରେ ଚେନ୍ନାଇ ସୁପର କିଙ୍ଗ୍ସର ଦାୟିତ୍ବ ସମ୍ଭାଳିବେ ସେନେଇ ଏବେ ଚର୍ଚ୍ଚା ଚାଲିଛି । ଏ ମଧ୍ୟରେ ପୂର୍ବତନ କ୍ରିକେଟର ଆକାଶ ଚୋପ୍ରା ନିଜର ପ୍ରତିକ୍ରିୟା ଦେଇଛନ୍ତି । ପୂର୍ବତନ ଭାରତୀୟ କ୍ରିକେଟର ତଥା ବର୍ତ୍ତମାନ କମେନଟେଟର ଭାବେ ଦାୟିତ୍ବ ତୁଲାଇଥିବା ଆକାଶ ଚୋପ୍ରା ଜଣେ ଏଭଳି କ୍ରିକେଟରଙ୍କ ନାମ କହିଛନ୍ତି ଯିଏ ସିଏସକେର ପରବର୍ତ୍ତୀ ଉତ୍ତରାଧିକାରୀ ହେବାକୁ ଯୋଗ୍ୟ । 

ଏକ ସାକ୍ଷାତକାରରେ ସେ କହିଛନ୍ତି ଯେ, "ଦେଖନ୍ତୁ, ମୁଁ ଭାବୁଛି ଧୋନି ସର୍ବଦା କୋଚ୍ କିମ୍ବା ମେଣ୍ଟର ଭାବରେ ଦଳ ସହିତ ରହିବେ | କିନ୍ତୁ ଋତୁରାଜ ଗାଏକ୍ବାଡ ପଡ଼ିଆରେ ସିଏସକେର ଉତ୍ତରାଧିକାରୀ ଭାବେ ଦାୟିତ୍ବ ପରିଚାଳନା କରିପାରନ୍ତି | ସିଏସକେ ତାଙ୍କ ଉପରେ ବାଜି ଲଗାଇ ତାଙ୍କୁ ଅଧିନାୟକ କରିଛି | ବର୍ତ୍ତମାନ ଆଗରେ ଏକ ବଡ଼ ଆଇପିଏଲ ନିଲାମୀ ଅଛି । ତେଣୁ ତାଙ୍କୁ ଦଳ ବଡ଼ ଦାୟିତ୍ବ ଦେବାର ସମ୍ଭାବନା ଅଛି। ସିଏସକେ ଋତୁରାଜ ଗାଏକ୍ବାଡଙ୍କୁ ଅଧିନାୟକ କରିଥିବା ବେଳେ ଧୋନିଙ୍କଠାରୁ ତାଙ୍କୁ ସମ୍ପୂର୍ଣ୍ଣ ସମର୍ଥନ ମିଳିଛି । ବର୍ତ୍ତମାନ ମୁଁ କିଛି କହିପାରୁ ନାହିଁ । କିନ୍ତୁ ଦୃଶ୍ୟମାନ ହେଉଥିବା ସମୀକରଣକୁ ଦେଖି ମୁଁ ଗାଏକ୍ବାଡଙ୍କ ନାମ ନେବାକୁ ଚାହେଁ | ମୁଁ ଭାବୁନାହିଁ ଯେ ଋତୁରାଜ ଗାଏକ୍ବାଡ ଏତେ ଶୀଘ୍ର ଦାୟିତ୍ବ ମୁକ୍ତ ହେବେ ।"