ବକ୍ସିଂ ଡେ’ ଟେଷ୍ଟ: କାହିଁକି ଭାରତ ବିପକ୍ଷରେ କଳାପଟି ପିନ୍ଧି ଖେଳୁଛନ୍ତି ଦକ୍ଷିଣ ଆଫ୍ରିକା ଖେଳାଳି ?

ନୂଆଦିଲ୍ଲୀ: ଭାରତ ଓ ଦକ୍ଷିଣ ଆଫ୍ରିକା ଭିତରେ ଆରମ୍ଭ ହୋଇସାରିଛି ଟେଷ୍ଟ ସିରିଜ । ଭାରତୀୟ ଅଧିନାୟକ ବିରାଟ କୋହଲି ଏଥିରେ ଟସ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଛନ୍ତି । ହେଲେ ଖେଳରେ ଦେଖିବାକୁ ମିଳିଛି ଯେ ଦକ୍ଷିଣ ଆଫ୍ରିକାର ଖେଳାଳିମାନେ ହାତରେ କଳାପଟି ପିନ୍ଧି ଖେଳୁଛନ୍ତି । ତେବେ ଏହାର କାରଣ କ’ଣ ଆସନ୍ତୁ ଜାଣିବା ।

ରବିବାର ଦକ୍ଷିଣ ଆଫ୍ରିକାର ନୋବେଲ ପୁରସ୍କାର ବିଜେତା ଦେଶମଣ୍ଡ ଟୁଟୁଙ୍କ ଦେହାନ୍ତ ହୋଇଯାଇଛି । ୯୦ ବର୍ଷ ବୟସରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି । ଦେଶମଣ୍ଡ ଶାନ୍ତି ପାଇଁ ନୋବେଲ ପୁରସ୍କାର ଜିତିଥିଲେ । ସେ ଆଫ୍ରିକାରେ ବର୍ଣ୍ଣ ବୈଷମ୍ୟ ନୀତି ବିରୋଧରେ ଲଢେଇ କରିଥିଲେ । ସେଥିପାଇଁ ଦକ୍ଷିଣ ଆଫ୍ରିକା ଖେଳାଳିମାନେ ତାଙ୍କୁ ଶ୍ରଦ୍ଧାଞ୍ଜଳି ଜଣାଇ ହାତରେ କଳା ପଟି ବାନ୍ଧିଛନ୍ତି ।