ମହିଳା ପ୍ରିମିୟର୍ ଲିଗ୍: ପଞ୍ଚମ ବିଜୟ ସହ ମୁମ୍ବାଇ ପ୍ଲେ ଅଫ୍ରେ
ମୁମ୍ବାଇ: ପାଞ୍ଚ ମ୍ୟାଚ୍ରୁ ୫ ବିଜୟ ସହ ମୁମ୍ବାଇ ଇଣ୍ଡିଆନ୍ସ ଚଳିତ ମହିଳା ପ୍ରିମିୟର୍ ଲିଗ୍ (ଡବଲ୍ୟୁପିଏଲ୍)ର ପ୍ଲେ ଅଫ୍ ପ୍ରବେଶକୁ ନିଶ୍ଚିତ କରିଛି। ମଙ୍ଗଳବାର ଖେଳାଯାଇଥିବା ମ୍ୟାଚ୍ରେ ହର୍ମନପ୍ରୀତ୍ କୌରଙ୍କ ଦଳ ଏକତରଫା ଭାବେ ଗୁଜରାଟ ଜାଏଣ୍ଟସକୁ ୫୫ ରନ୍ରେ ପରାସ୍ତ କରିଥିଲା। ୫ ଦଳୀୟ ଡବ୍ଲୁପିଏଲ ଫର୍ମାଟ ଅନୁସାରେ ଶୀର୍ଷ ଦଳ ସିଧାସଳଖ ଫାଇନାଲ୍ ଖେଳିବ। ଦ୍ବିତୀୟ ଓ ତୃତୀୟ ସ୍ଥାନ ଦଳ ମଧ୍ୟରେ ଏଲିମିନେଟର୍ ଖେଳାଯିବା ପରେ ଦ୍ବିତୀୟ ଫାଇନାଲିଷ୍ଟ ନିର୍ଣ୍ଣୟ କରାଯିବ। ମଙ୍ଗଳବାର ରନ୍ ପାଇଁ ମୁମ୍ବାଇ ସଂଘର୍ଷ କରିଥିଲେ ମଧ୍ୟ ଅଧିନାୟିକା ହର୍ମାନପ୍ରୀତଙ୍କ ୨୯ ବଲ୍ରୁ ଅର୍ଦ୍ଧଶତକ (୫୧ ରନ୍) ବଳରେ ୧୬୨ ରନ୍ କରିନେଇଥିଲା। ଜବାବରେ ୩ ବିଦେଶୀ ବୋଲର୍ ବ୍ରଣ୍ଟ, ମାଥ୍ୟୁସ, କେର୍ ମିଳିତ ଭାବେ ୮ ୱିକେଟ୍ ନେଇ ଗୁଜରାଟକୁ ୧୦୭ ରନ୍ରେ ରୋକି ଦେଇଥିଲେ। ଗୁଜରାଟ ପଞ୍ଚମ ମ୍ୟାଚ୍ରୁ ଚତୁର୍ଥ ପରାଜୟ ବରଣ କରି ଚାପରେ ପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ସଂକ୍ଷିପ୍ତ ସ୍କୋର: ମୁମ୍ବାଇ ଇଣ୍ଡିଆନ୍ସ ୨୦ ଓଭରରେ ୧୬୨/୮ (ହର୍ମନପ୍ରୀତ୍ କୌର-୫୧, ୟାସ୍ତିକା ଭାଟିଆ-୪୪, ନାଟ୍ ଶ୍ଚିଭର ବ୍ରଣ୍ଟ୍-୩୬, ଆମେଲିଆ କେର୍-୧୯, ଆସଲେ ଗାର୍ଡନର୍-୩/୩୪, ସ୍ନେହ ରାଣା-୧/୧୭, କିମ୍ ଗାର୍ଥ-୧/୩୧, ତନୁଜା କନୱର-୧/୩୨)। ଗୁଜରାଟ ଜାଏଣ୍ଟସ୍ ୨୦ ଓଭରରେ ୧୦୭/୯ (ହର୍ଲିନ୍ ଦେଓଲ-୨୨, ସ୍ନେହ ରାଣା-୨୦, ସୁଷମା ବର୍ମା-୧୮*, ନାଟ୍ ଶ୍ଚିଭର ବ୍ରଣ୍ଟ-୩/୨୧, ହାଲେ ମାଥ୍ୟୁସ-୩/୨୩, ଆମେଲିଆ କେର୍-୨/୧୮, ଇସି ୱଙ୍ଗ-୧/୧୯)।