କଟକ: ମୁମ୍ବାଇରେ ଚାଲିଥିବା ମହିଳା ଟ୍ବେଣ୍ଟି-୨୦ ସୁପରଲିଗ୍ରେ ଓଡ଼ିଶା ପ୍ରଥମ ବିଜୟ ପାଇଛି। ଶୁକ୍ରବାର ଖେଳିଥିବା ମ୍ୟାଚ୍ରେ ଓଡ଼ିଶା ୫ ଵିକେଟ୍ରେ ଆସାମକୁ ହରାଇଛି। ଟସ୍ ଜିତି ବ୍ୟାଟିଂ ନେଇଥିବା ଆସାମ ୨୦ ଓଭରରେ ୯ ଵିକେଟ୍ ହରାଇ ୧୦୩ ରନ୍ କରିଥିଲା। ଅନିତା ଲୋଧି ସର୍ବାଧିକ ୩୧ ରନ୍ କରିଥିଲା ବେଳେ ଓଡ଼ିଶା ପକ୍ଷରୁ ସୁଶ୍ରୀ ଦିବ୍ୟଦର୍ଶିନୀ ଓ ପ୍ରିୟଙ୍କା ପ୍ରିୟଦର୍ଶିନୀ ଦୁଇଟି ଲେଖାଏଁ ଵିକେଟ୍ ପାଇଥିଲେ। ୧୦୪ ରନ୍ର ଲକ୍ଷ୍ୟକୁ ଓଡ଼ିଶା ଗୋଟିଏ ଓଭର ପୂର୍ବରୁ ୫ ଵିକେଟ୍ କ୍ଷତିରେ ହାସଲ କରିଥିଲା। ୭ ଓଭର ମଧ୍ୟରେ ମାଧୁରୀ ମେହେଟ୍ଟା (୪), ମଧୁସ୍ମିତା ବେହେରା (୫) ଓ ଅଞ୍ଜଳି ସି˚ହ (୩)ଙ୍କୁ ଓଡ଼ିଶା ହରାଇ ସଂକଟରେ ପଡ଼ିଥିଲା। ତେବେ ପ୍ରଜ୍ଞା ପାରମିତା ମହାନ୍ତିଙ୍କ ୪୫ ଏବଂ ସରିତା ମେହେରଙ୍କ ଅପରାଜିତ ୩୦ ରନ୍ ବଳରେ ଓଡ଼ିଶା ମ୍ୟାଚ୍କୁ ୧୯ ଓଭରରେ ଜିତିନେଇଥିଲା। ଓଡ଼ିଶା ପରବର୍ତ୍ତୀ ମ୍ୟାଚ୍ରେ ଶନିବାର ହିମାଚଳ ପ୍ରଦେଶକୁ ଭେଟିବ।