କଟକ: ଓଡ଼ିଶା କ୍ରିକେଟ ସ˚ଘ (ଓସିଏ) ପକ୍ଷରୁ ଡ୍ରିମ୍ସ ଷ୍ଟାଡିୟମରେ ମହିଳା ଟ୍ବେଣ୍ଟି-୨୦ ଲିଗ୍ ଆରମ୍ଭ ହୋଇଛି। ପ୍ରଥମ ଦିନରେ ଖେଳାଯାଇଥିବା ଦୁଇଟି ମ୍ୟାଚ୍ରୁ ଓଡ଼ିଶା ଭାଓଲେଟ୍ ଓ ଓଡ଼ିଶା ୟେଲୋ ବିଜୟୀ ହୋଇଛନ୍ତି। ଉଦ୍ଘାଟନୀ ମ୍ୟାଚ୍ରେ ଓଡ଼ିଶା ଭାଓଲେଟ୍ ୨୩ ରନ୍ରେ ଓଡ଼ିଶା ରେଡ୍କୁ ପରାସ୍ତ କରିଛି। ଭାଓଲେଟ୍ ଟସ୍ ଜିତି ବ୍ୟାଟି˚ କରିଥିଲା ବେଳେ ୬ ଵିକେଟ୍ ବିନିମୟରେ ୧୦୦ ରନ୍ ସ˚ଗ୍ରହ କରିଥିଲା। ଅଲିପ୍ସା ବିଶ୍ବାଳ ୧୯, ଶିଳ୍ପା ସ୍ବାଇଁ ୧୬, ସୁଶ୍ରୀ ଦିବ୍ୟଦର୍ଶିନୀ ୧୫ ରନ୍ କରି ଆଉଟ ହୋଇଥିଲା ବେଳେ ପ୍ରତିପକ୍ଷର ନିବେଦିତା ନାୟକ ୨ ଵିକେଟ୍ ଅକ୍ତିଆର କରିଥିଲେ। ବିଜୟ ଲକ୍ଷ୍ୟକୁ ପିଛା କରିବାକୁ ଯାଇ ଓଡ଼ିଶା ରେଡ୍ ୨ ବଲ୍ ପୂର୍ବରୁ ମାତ୍ର ୭୭ ରନ୍ କରି ସମସ୍ତ ଵିକେଟ ହରାଇଥିଲା। ବିଜୟୀ ଦଳ ପାଇଁ ଏସ୍.ବି. ଲରେନ୍ସ ୩, ସୁଶ୍ରୀ ଦିବ୍ୟଦର୍ଶିନୀ ୨ ଵିକେଟ ନେଇଥିଲେ। ଅଲରାଉଣ୍ତ ପ୍ରଦର୍ଶନ ପାଇଁ ସୁଶ୍ରୀ ଦିବ୍ୟଦର୍ଶିନୀଙ୍କୁ ଡ୍ରିମ୍ସ ଗ୍ରୁପ୍ ଅଧ୍ୟକ୍ଷ ପ୍ରମୋଦ ଚନ୍ଦ୍ର ରଥ ମ୍ୟାଚ୍ର ଶ୍ରେଷ୍ଠ ଖେଳାଳି ଭାବେ ପୁରସ୍କୃତ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ଦ୍ବିତୀୟ ମ୍ୟାଚ୍ରେ ଓଡ଼ିଶା ୟେଲୋ ୫ ଵିକେଟରେ ଓଡ଼ିଶା ପର୍ପଲକୁ ହରାଇଛି। ଶୁଭ୍ର ନିର୍ଝରିଣୀ ସ୍ବାଇଁଙ୍କ ୩୬ ଓ ପ୍ରଜ୍ଞାପାରମିତା ମହାନ୍ତିଙ୍କ ୨୭ ରନ୍ ସହଯୋଗରେ ବ୍ୟାଟି˚ ଆରମ୍ଭ କରିଥିବା ପର୍ପଲ ୫ ଵିକେଟ ହରାଇ ୯୭ ରନ୍ ସ˚ଗ୍ରହ କରିଥିଲା। ତେବେ କାଜଲ ଜେନାଙ୍କ ୩୯ ରନ୍ ସହଯୋଗରେ ୟେଲୋ ଶେଷ ଓଭରର ପ୍ରଥମ ବଲ୍ରେ ବିଜୟୀ ହୋଇଥିଲା। ଶୁଭ୍ର ନିର୍ଝରିଣୀ ସ୍ବାଇଁ ଓ ସ୍ବର୍ଣ୍ଣଲତା ନାୟକ ପ୍ରତ୍ୟେକ ୨ ଵିକେଟ ଲେଖାଏଁ ପାଇଥିଲେ। ମ୍ୟାଚ୍ ବିଜୟୀ ପାଳି ପାଇଁ କାଜଲଙ୍କୁ କଟକ ମେୟର ସୁବାସ ସି˚ହ ଶ୍ରେଷ୍ଠ ଖେଳାଳି ରୂପେ ପୁରସ୍କାର ପ୍ରଦାନ କରିଥିଲେ। ଏଥିପୂର୍ବରୁ ସୋମବାର ସକାଳେ ହୋଇଥିବା ଉଦ୍ଘାଟନ କାର୍ଯ୍ୟକ୍ରମରେ ଓଡ଼ିଶା ଫୁଟ୍ବଲ୍ ସ˚ଘ ସମ୍ପାଦକ ଆଶୀର୍ବାଦ ବେହେରା, ଓଡ଼ିଶା ଅଲିମ୍ପିକ ସ˚ଘ ସମ୍ପାଦକ ଅଭିଜିତ ପାଲ୍, ଓସିଏ ସିଇଓ ସୁବ୍ରତ ବେହେରା, ଡ୍ରିମ୍ସ କ୍ରୀଡ଼ା ନିର୍ଦ୍ଦେଶକ ନବକିଶୋର ମିଶ୍ର ପ୍ରମୁଖ ଅତିଥି ଭାବେ ଯୋଗଦେଇଥିଲେ।