ବିଶ୍ବ ଚ୍ୟାଲେଞ୍ଜ୍ ଜିମ୍ନାଷ୍ଟିକ୍ସ ଦଳରେ ରାକେଶ

0

ଭୁବନେଶ୍ବର: କ୍ରୋଏସିଆର ଓସିଜେକଠାରେ ଆୟୋଜିତ ହେବାକୁ ଥିବା ବିଶ୍ବ ଚ୍ୟାଲେଞ୍ଜ୍ କପ୍ ସିରିଜ୍ ଜିମ୍ନାଷ୍ଟିକ୍ସ ପ୍ରତିଯୋଗିତା ଲାଗି ୩ ଜଣିଆ ଭାରତୀୟ ଦଳ ଘୋଷିତ ହୋଇଛି। ଏହି ଦଳରେ ଓଡ଼ିଶାର ସଫଳତମ ଜିମ୍ନାଷ୍ଟ ରାକେଶ କୁମାର ପାତ୍ର ସ୍ଥାନ ପାଇଛନ୍ତି। ଆସନ୍ତା ୨୩ରୁ ୨୬ ତାରିଖ ପର୍ଯ୍ୟନ୍ତ ଆୟୋଜିତ ହେବାକୁ ଥିବା ଏହି ପ୍ରତିଯୋଗିତା ଲାଗି ଭାରତୀୟ ଦଳରେ ରାକେଶଙ୍କ ଛଡ଼ା ୨୦୧୦ ଏସୀୟ କ୍ରୀଡ଼ା କାଂସ୍ୟ ପଦକ ବିଜେତା ଆଶିଷ କୁମାର ଓ ଶ୍ରଦ୍ଧା ତାଲେକର ସ୍ଥାନ ପାଇଛନ୍ତି। ରାକେଶ ଚାରିଟି ପୁରୁଷ ବର୍ଗ ଫ୍ଲୋର, ଭଲ୍ଟ, ପାରାଲାଲ ବାର୍ ଓ ହୋରାଇଜେଣ୍ଟାଲ ବାର୍‌ରେ ଅଂଶ ଗ୍ରହଣ କରିବେ। ଅନ୍ୟ ପକ୍ଷରେ ରାକେଶ ରିଙ୍ଗ୍ସ, ପାରାଲାଲ ବାର୍ ଓ ହୋରାଇଜେଣ୍ଟାଲ ବାର୍‌ରେ ପ୍ରତିଦ୍ବନ୍ଦ୍ବିତା କରିବେ। ଶ୍ରଦ୍ଧା ବାର୍, ବିମ୍ ଓ ଫ୍ଲୋର୍‌ରେ ଖେଳିବେ। ତିନି ତାରକାଙ୍କ ବ୍ୟକ୍ତିଗତ ପ୍ରଶିକ୍ଷକ ଅଶ୍ବିନ ସାମନ୍ତରାୟ, ମନୋଜ ରଣା ଓ ପ୍ରବୀଣ ଧାଗେ ଦଳ ସହ କ୍ରୋଏସିଆ ଯିବେ। ଏହି ପ୍ରତିଯୋଗିତାରେ ୩୦ ଦେଶର ୧୧୦ ଜିମ୍ନାଷ୍ଟ ଅଂଶଗ୍ରହଣ କରିବେ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

ସମ୍ବନ୍ଧିତ ଖବର

Leave A Reply

Your email address will not be published.