ଭୁବନେଶ୍ବର: କତରର ଦୋହା‌ରେ ଚାଲିଥିବା ବିଶ୍ବ ସ୍ନୁକର୍‌ ପ୍ରତିଯୋଗିତାରେ ଭାରତରୁ ପ୍ରତିନିଧିତ୍ବ କରୁଥିବା ଓଡ଼ିଶାର ସୁବ୍ରତ ଦାସ ମାଷ୍ଟର୍ସ ବର୍ଗରେ ବିଜୟରୁ ଅଭିଯାନ ଆରମ୍ଭ କରିଛନ୍ତି। ଗୁରୁବାର ପ୍ରଥମ ଲିଗ୍‌ ମ୍ୟାଚ୍‌ରେ ସୁବ୍ରତ ୩-୨ରେ ବିଶ୍ବର ୩ ନମ୍ବର ଆୟର୍ଲାଣ୍ଡ ତାରକା ମାର୍କ ତୁଇତେଙ୍କୁ ପରାସ୍ତ କରିଛନ୍ତି। ଏହି ବିଜୟ ସହ ବିଶ୍ବକପ୍‌ରେ ସୁବ୍ରତ ପ୍ରଥମ ବିପର୍ଯ୍ୟୟ ସୃଷ୍ଟି କରିଛନ୍ତି। କଡ଼ା ସଂଘର୍ଷ ପୂର୍ଣ୍ଣ ଏହି ମ୍ୟାଚ୍‌ ଏକଦା ୨-୨ ସ୍ଥିତିରେ ରହିଥିଲା। ଶେଷ ତଥା ନିର୍ଣ୍ଣାୟକ ଫ୍ରେମ୍‌କୁ ସୁବ୍ରତ ଜିତି ବିଜୟ ବାନା ଉଡ଼ାଇଛନ୍ତି। ଦ୍ବିତୀୟ ଲିଗ୍‌ ମ୍ୟାଚ୍‌ରେ ସୁବ୍ରତ ୟୁଏଇର ରସିଦ ଅଲକେଇଲିଙ୍କୁ ଭେଟିବେ।