ଡିସେମ୍ବର ୯ରେ ଡବ୍ଲୁପିଏଲ୍‌ ଖେଳାଳି ନିଲାମ

ମୁମ୍ବାଇ: ମହିଳା ପ୍ରିମିୟର ଲିଗ୍‌ (ଡବ୍ଲୁପିଏଲ୍‌)ର ଦ୍ବିତୀୟ ସଂସ୍କରଣ ପାଇଁ ଡିସେମ୍ବର ୯ ତାରିଖରେ ମୁମ୍ବାଇରେ ଖେଳାଳି ନିଲାମ କରାଯିବ। ଏଥି ପାଇଁ ସମସ୍ତ ୫ ଫ୍ରାଞ୍ଚାଇଜ୍‌ ସେମାନଙ୍କ ଦଳଭୁକ୍ତ ଖେଳାଳି ତାଲିକା ପ୍ରକାଶ କରିଛନ୍ତି। ଏ ସଂକ୍ରାନ୍ତରେ ବିସିସିଆଇ ତାହାର ‌ସାମାଜିକ ଗଣମାଧ୍ୟମ ଆକାଉଣ୍ଟ ଜରିଆରେ ଘୋଷଣା କରିଛି। ଚଳିତ ବର୍ଷ ହୋଇଥିବା ପ୍ରଥମ ସଂସ୍କରଣରେ ପ୍ରଶଂସକଙ୍କ ମଧ୍ୟରେ ବହୁଳ ମାତ୍ରାରେ ଆଦୃତ ହେବା ପରେ ଆୟୋଜକ ଦ୍ବିତୀୟ ସଂସ୍କରଣକୁ ଅଧିକ ଆଡ଼ମ୍ବରରେ ଆୟୋଜନ କରିବାକୁ ଲକ୍ଷ୍ୟ ରଖିଛନ୍ତି। ମାର୍ଚ୍ଚ ୪ରୁ ୨୬ ତାରିଖ ମଧ୍ୟରେ ଅନୁଷ୍ଠିତ ଏହି ଦାମୀ ମହିଳା ଲିଗ୍‌ରେ ବିଶ୍ବର ଶ୍ରେଷ୍ଠ ମହିଳା କ୍ରିକେଟର୍‌ଙ୍କୁ ଆକୃଷ୍ଠ କରିବାରେ ସଫଳ ହୋଇଥିଲା। ଭାରତୀୟ ଖେଳାଳି ସ୍ମୃତି ମନ୍ଧାନା ସବୁଠୁ ଦାମୀ ଖେଳାଳି (୩.୪ କୋଟି ଟଙ୍କା) ଭାବେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆର୍‌ସିବି) ଦଳକୁ ବିକ୍ରି ହୋଇଥିଲେ। ତାଙ୍କ ବ୍ୟତୀତ ଆସ୍‌ଲେ ଗାର୍ଡନର, ନାଟ୍‌ ସ୍କିଭର ବ୍ରଣ୍ଟ, ବେଥ୍‌ ମୁନି ମଧ୍ୟ ଦାମୀ ଖେଳାଳିଙ୍କ ମଧ୍ୟରେ ରହିଥିଲେ। ଉଦ୍‌ଘାଟନୀ ସଂସ୍କରଣରେ ଦିଲ୍ଲୀ କ୍ୟାପିଟାଲ୍ସକୁ ପରାସ୍ତ କରି ମୁମ୍ବାଇ ଇଣ୍ଡିଆନ୍ସ ବିଜେତା ହୋଇଥିଲା। ହେଲି ମାଥ୍ୟୁସଙ୍କୁ ମୋଷ୍ଟ ଭାଲ୍ୟୁଏବଲ୍‌ ଖେଳାଳି ବିବେଚିତ କରାଯାଇଥିଲା ବେଳେ ସୋଫି ଡିଭାଇନ୍‌ଙ୍କୁ ସୁପର ଷ୍ଟ୍ରାଇକର ପୁରସ୍କାର ସ୍ବରୂପ ଏକ ଟାଟା ସଫାରି କାର୍‌ ପ୍ରଦାନ କରାଯାଇଥିଲା।

ଦିଲ୍ଲୀ କ୍ୟାପିଟାଲ୍ସ
ଦଳଭୁକ୍ତ ଖେଳାଳି: ଆଲିସ୍ କ୍ୟାପ୍ସି, ଅରୁନ୍ଧତୀ ରେଡ୍ଡୀ, ଜେମିମା‌ ରଡ୍ରିଗୁଏଜ୍‌, ଜେସ୍‌ ୟୋନାସନ, ଲୌରା ହାରିସ୍‌, ମାରିୟାନ କାପ୍‌, ମେଗ୍‌ ଲାନିଂ, ମିନୁ ମଣି, ପୁନମ ଯାଦବ, ରାଧା ଯାଦବ, ଶେଫାଳି ବର୍ମା, ଶିଖା ପାଣ୍ଡେ, ସ୍ନେହା ଦୀପ୍ତି, ତାନିୟା ଭାଟିଆ, ଟିଟାସ୍‌ ସାଧୁ।
ଦଳମୁକ୍ତ ଖେଳାଳି: ଅପର୍ଣ୍ଣା ମଣ୍ଡଳ, ଜସିଆ ଅଖତର, ତାରା ନୋରିସ୍‌।
ଗୁଜରାଟ ଟାଇଟନ୍ସ
ଦଳଭୁକ୍ତ ଖେଳାଳି: ଆସଲେ ଗାର୍ଡନର, ବେଥ୍‌ ମୁନି, ଡି ହେମଲତା, ହର୍ଲିନ ଦେଓଲ, ଲୌର ଉଲ୍‌ଭର୍ଡାଟ୍‌, ସବନମ ସକିଲ, ସ୍ନେହା ରାଣା, ତନୁଜା କଁୱର।
ଦଳମୁକ୍ତ ଖେଳାଳି: ଆନାବେଲ୍‌ ସଦରଲାଣ୍ଡ, ଅଶ୍ବିନୀ କୁମାରୀ, ଜିଓର୍ଜିଆ ଓୟାରହାମ, ହର୍ଲି ଗାଲା, କିମ୍‌ ଗାର୍ଥ, ମାନସି ଜୋଶୀ, ମୋନିକା ପଟେଲ, ପାରୁଣିକା ସିସୋଦିଆ, ସାବିନେନି ମେଘନା, ସୋଫିଆ ଡଙ୍କଲେ, ସୁଷମା ବର୍ମା।
ମୁମ୍ବାଇ ଇଣ୍ଡିଆନ୍ସ
ଦଳଭୁକ୍ତ ଖେଳାଳି: ଅମନଜୋତ୍‌ କୌର, ଆମେଲିଆ କେର୍‌, କ୍ଲୋଇ ଟ୍ରାୟନ, ହର୍ମନପ୍ରୀତ୍‌ କୌର, ହେଲି ମାଥ୍ୟୁସ, ହୁମାଇରା କାଜି, ଇସାବେଲ ୱଙ୍ଗ, ଜିନ୍ତିମଣି କାଲିଟା, ନାତାଲି ସ୍କିଭର, ପୂଜା ଭସ୍ତ୍ରକାର, ପ୍ରିୟଙ୍କା ବଳ, ସାଇକା ଇସାକ, ୟାସ୍ତିକା ଭାଟିଆ।
ଦଳମୁକ୍ତ ଖେଳାଳି: ଧାରା ଗୁଜ୍ଜର, ହିଥର ଗ୍ରାହମ, ନୀଲମ ବିସ୍ତ, ସୋନମ ଯାଦବ।
ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର
ଦଳଭୁକ୍ତ ଖେଳାଳି: ଆଶା ‌ଶୋବାନା, ଦିଶା କସାତ, ଏଲିସ ପେରି, ହିଥର ନାଇଟ୍‌, ଇନ୍ଦ୍ରାଣୀ ରଏ, କନିକା ଆହୂଜା, ରେଣୁକା ସିଂହ, ରିଚା ଘୋଷ, ଶ୍ରେୟଙ୍କା ପାଟିଲ, ସ୍ମୃତି ମନ୍ଧାନା, ସୋଫି ଡିଭାଇନ୍‌।
ଦଳମୁକ୍ତ ଖେଳାଳି: ଡାନେ ଭାନ୍‌ ନିକର୍କ, ଏରିନ୍‌ ବର୍ଣ୍ଣ‌୍‌ସ, କୋମଲ ଜାନ୍‌ଜାଦ୍‌, ମେଗାନ ସ୍କଟ୍‌, ପୁନମ ଖେମନାର, ପ୍ରୀତି ବୋସ୍‌, ସାହାନା ପାୱାର।
ୟୁପି ୱାରିଅର୍ସ
ଦଳଭୁକ୍ତ ଖେଳାଳି: ଆଲିସା ହିଲି, ଅଞ୍ଜଳି ସର୍ବାଣୀ, ଦୀପ୍ତି ଶର୍ମା, ଗ୍ରେସ୍‌ ହାରିସ୍‌, କିରଣ ନଭଗିରେ, ଲୌରେନ୍‌ ବେଲ୍‌, ଲକ୍ଷ୍ମୀ ଯାଦବ, ପାର୍ସବି ଚୋପ୍ରା, ରାଜେଶ୍ବରୀ ଗାଏକ୍ବାଡ, ଏସ୍‌ ଯଶସ୍ରୀ, ଶେବତା ସେରାୱତ, ସୋଫି ଏକ୍ଲେଷ୍ଟୋନ୍‌, ତାହିଲା ମ୍ୟାକ୍‌ଗ୍ରା।
ଦଳମୁକ୍ତ ଖେଳାଳି: ଦେବୀକା ବୈଦ୍ୟ, ଶବନମ ଇସ୍‌ମାଇଲ, ଶିବାନୀ ସିନ୍ଧେ, ସିମ୍ରନ ଶେଖ୍‌।