କୁସ୍ତିଯୁଦ୍ଧ ମ୍ୟାଚ୍ ହାରିଯିବା ପରେ ମାନସିକ ଭାରସାମ୍ୟ ହରାଇ ଆତ୍ମହତ୍ୟା କଲେ ବବିତା ଫୋବଟ୍ଙ୍କ ଭଉଣୀ ରିତୀକା
ଜୟପୁର: ଖେଳ ଜଗତରୁ ଏକ ହୃଦୟ ବିଦାରକ ଖବର ଆସିଛି । କୁସ୍ତିଯୁଦ୍ଧର ଫାଇନାଲ ମ୍ୟାଚ ହାରିବା ପରେ ଭାରତୀୟ ମହିଳା କୁସ୍ତିଯୋଦ୍ଧା ରିତୀକା (ରିତୀକା ବବିତା ଫୋଗଟ ଓ ରୀତା ଫୋଗଟଙ୍କର ଭଉଣୀ) ଆତ୍ମହତ୍ୟା କରିଛନ୍ତି । ସେ ସୋମବାର ଦିନ ନିଜ ଗାଁ ବଲାଲୀଠାରେ ଗଳାରେ ନିଜ ଓଢ଼ଣୀ ଲଗାଇ ଆତ୍ମହତ୍ୟା କରିଥିବା ସୂଚନା ମିଳିଛି ।
Sambad is now on WhatsApp
Join and get latest news updates delivered to you via WhatsApp
ଗଣମାଧ୍ୟମର ସୂଚନା ମୁତାବକ କୁସ୍ତିଯୋଦ୍ଧା ରିତୀକା ୧୨ ରୁ ୧୪ ମାର୍ଚ ମଧ୍ୟରେ ରାଜସ୍ଥାନର ଭରତପୁର ଲୋହାଗଡ଼ ଷ୍ଟାଡିୟମରେ ଅନୁଷ୍ଠିତ ହୋଇଥିବା ରାଜ୍ୟସ୍ତରୀୟ ସବ୍ ଜୁନିୟର ମହିଳା ଓ ପୁରୁଷ କୁସ୍ତି ଟୁର୍ଣ୍ଣାମେଣ୍ଟରେ ଭାଗ ନେଇଥିଲେ । ଏହି ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚ୍ ମାର୍ଚ ୧୪ ତାରିଖରେ ଖେଳା ଯାଇଥିଲା । ଯେଉଁଥିରେ ରିତୀକା ଗୋଟିଏ ଅଙ୍କ ପଛରେ ରହି ମ୍ୟାଚ୍ ହାରି ଯାଇଥିଲେ । ମ୍ୟାଚ୍ ହାରିବା ପରେ ସେ ମାନସିକ ଦୁଶ୍ଚିନ୍ତାରେ ରହିଥିଲେ । ଏନେଇ ସେ ୧୫ ତାରିଖ ଦିନ ରାତି ୧୧ ଟାରେ ନିଜ ଗାଁ ବଲାଲୀଠାରେ ଥିବା ବାସଭବନରେ ବେକରେ ନିଜ ଓଢ଼ଣୀ ବାନ୍ଧି ଆତ୍ମହତ୍ୟା କରିଛନ୍ତି ।