ଆଇପିଏଲ୍: କିଙ୍ଗସ୍ ଇଲେଭେନ୍ ପଞ୍ଜାବରୁ ବାହାରିଲେ ଯୁବରାଜ ସିଂହ, ଗୌତମ ଗମ୍ଭୀରଙ୍କୁ ବାହାର କଲା ଦିଲ୍ଲୀ
ନୂଆଦିଲ୍ଲୀ: କିଙ୍ଗସ୍ ଇଲେଭେନ୍ ପଞ୍ଜାବ ଡିସେମ୍ବରରେ ହେଉଥିବା ଇଣ୍ଡିଆନ୍ ପ୍ରିମିୟର ଲିଗ୍ ନିଲାମୀ ପୂର୍ବରୁ ଯୁବରାଜ ସିଂହଙ୍କୁ ବାହାର କରି ଦେଇଛି। ରାଜସ୍ଥାନ ରୋୟାଲସ୍ ମଧ୍ୟ ବାମହାତୀ ବୋଲର ଜୟଦେବ ଉନାଦକଟଙ୍କୁ ଚଳିତ ବର୍ଷ ଆରମ୍ଭରୁ ୧୧.୫ କୋଟି ଟଙ୍କା ଦେବା ପରେ ବାହାର କରି ଦେଇଛି।
Sambad is now on WhatsApp
Join and get latest news updates delivered to you via WhatsApp
ଦିଲ୍ଲୀ ଡେୟାରଡେଭିଲସ୍ ଆଶାନୁରୂପକ ପ୍ରଦର୍ଶନ ନପାଇବାରୁ ଗୌତମ ଗମ୍ଭୀରଙ୍କୁ ବାହାର କରି ଦେଇଛି। ଦିଲ୍ଲୀ ଡେୟାରଡେଭିଲସ୍ ଗୌତମ ଗମ୍ଭୀରଙ୍କୁ ୨୦୧୮ ସଂସ୍କରଣରେ ଖରାପ ପ୍ରଦର୍ଶନ ଯୋଗୁଁ ବାହାର କରିଛି। ଭାରତ ପାଇଁ ୨୦୧୭ ଜୁନରେ ଖେଳିଥିବା ଯୁବରାଜ ସିଂହଙ୍କୁ କିଙ୍ଗସ୍ ଇଲେଭେନ୍ ପଞ୍ଜାବ ଜାନୁଆରିରେ ନିଲାମୀ ସମୟରେ ୨ କୋଟି ଟଙ୍କାରେ କିଣିଥିଲା।
ପଞ୍ଜାବର ଟିମ୍ କ୍ରିସ ଗେଲ୍ଙ୍କୁ ୨ କୋଟି ଟଙ୍କାରେ କିଣିଥିଲା ଏବଂ ୨୦୧୮ ସଂସ୍କରଣରେ ଭଲ ପ୍ରଦର୍ଶନ ଯୋଗୁଁ ଟିମରେ ରଖିଛି। ରୋୟାଲସ୍ ଚ୍ୟାଲେଞ୍ଜର୍ସ ଉନାଦକଟଙ୍କୁ ବାହାର କରିଛି। ଉନାଦକଟଙ୍କୁ ୧୦ ଲକ୍ଷ ଡଲାରରୁ ଅଧିକ ରାଶିରେ କିଣିଥିଲା ରାଜସ୍ଥାନ ରୋୟାଲସ୍। ରାଜସ୍ଥାନ ଇଂଲଣ୍ଡର ଅଲ୍ରାଉଣ୍ଡର ବେନ୍ ଷ୍ଟୋକସ୍ଙ୍କୁ ୧୨.୫ କୋଟି ଟଙ୍କାରେ କିଣିଥିଲା।