ଭୁବନେଶ୍ବର : ଚଳିତ ଆଇଏସ୍‌ଏଲ୍‌ର ଶୁକ୍ରବାର ମ୍ୟାଚ୍‌ରେ ଓଡ଼ିଶା ଏଫ୍‌ସି ୩-୧ ଗୋଲ୍‌ରେ ହାଇଦ୍ରାବାଦ ଏଫ୍‌ସିକୁ ପରାସ୍ତ କରିଛି। ଏହି ବିଜୟ ସହ ଓଡ଼ିଶାର ପ୍ଲେ ଅଫ୍‌ ଆଶା ଉଜ୍ଜୀବିତ ହୋଇଛି। କଳିଙ୍ଗ ‌ଷ୍ଟାଡିୟମରେ ଏହି ମ୍ୟାଚ୍‌ରୁ ପୂରା ୩ ପଏଣ୍ଟ ପାଇ ଓଡ଼ିଶା ଏଫ୍‌ସି (୨୭) ଟେବୁଲର ଷଷ୍ଠ ସ୍ଥାନକୁ ଉଠିଛି। ପୂର୍ବରୁ ପ୍ଲେ ଅଫ୍‌ରେ ସ୍ଥାନ ପକ୍କା କରିଥିବା ହାଇଦ୍ରାବାଦ (୩୬) ପରାଜୟ ସତ୍ତ୍ବେ ଦ୍ବିତୀୟ ସ୍ଥା‌ନରେ ଅପରିବର୍ତ୍ତିତ ରହିଛି। ଓଡ଼ିଶା ପକ୍ଷରୁ ଇସାକ ଭାନ୍‌ଲାଲରୁଆତ୍‌ଫେଲା (୩୩ ମିନିଟ୍‌) ଓ ଡିଏଗୋ ମୌରିସିଓ (୯୦+୪ ମିନିଟ୍‌) ଗୋଲ୍‌ ସ୍କୋରର୍‌ ରହିଥିଲା ବେଳେ ହାଇଦ୍ରବାଦ ପକ୍ଷରୁ ନିମ୍‌ ଦର୍ଜି (୪୫ ମିନିଟ୍‌) ଗୋଟିଏ କରିଥିଲା ବେଳେ ଅନ୍ୟ ଗୋଲ୍‌ଟି ଆତ୍ମଘାତୀ (୭୨ ମିନିଟ୍‌)ଥିଲା। ଭାନ୍‌ଲାଲରୁଆତ୍‌ଫେଲା ମ୍ୟାଚ୍‌ର ଶ୍ରେଷ୍ଠ ଖେଳାଳି ପୁରସ୍କାର ପାଇଥିଲେ।